Non fai falta que espere moito

Hoxe publica o Diario de Bergantiños unha noticia con este titular:

“El BNG denuncia la existencia de desmanes urbanísticos en Malpica”. E debaixo: “Aymerich pone como ejemplo una vivienda de seis alturas en pleno paseo de Canido”.

Segundo informa o xornal, o responsable comarcal do BNG, Xosé Regueira, e o portavoz nacionalista no Parlamento Galego, Carlos Aymerich, denunciaron onte en Carballo a existencia en Malpica dun “desorden urbanístico ó que consideran que hai que poñer coto”.

Aymerich acusa directamente a PP e PSOE, “ya que asegura que son miembros de estas dos formaciones los que ´están pringando´ por delitos urbanísticos. Estamos á espera de que alguén nos sinale un membro do BNG implicado nun caso de especulación urbanística".

Pois non fai falta que espere moito, Sr. Aymerich. Indicámosllo nos, se nolo permite: Sen desplazarse de Malpica, ten vostede o exemplo máis claro e cercano: a coñecida como “Casa do Bloque” (¿non sabe por qué lle puxeron os veciños ese nome?), entrando en Malpica á esquerda. Ese edificio construido ilegalmente, cun considerable número de alturas (máis de seis), que da á praia, foi o motivo de que o seu ex-alcalde Lois Cancela Vecino (BNG), xunto co concelleiro de urbanismo do BNG foran condenados por un delito de prevaricación. ¿Val-lle o exemplo?

Aymerich, fai falta ser torpe. ¿Non sabe que Beiras tivo que sair escoltado pola Garda Civil do Concello de Malpica, para impedir que os veciños alporizados o agrediran por cuestións urbanísticas? ¿Non sabía que o seu alcalde foi condenado pola xustiza polo mesmo motivo? A próxima vez sexa un pouco máis prudente (¿será moito pedirlle?), Aymerich Cano. A eso que fixo vostede chámanlle "ir por lan e volver trasquilado".