A mellor feira

Ou unha das mellores que se poden facer é con libros. Esa é a idea que o Concello de Carballo vai poñer en marcha mañá xoves e ata o domingo 24, coa celebración da “Praza dos libros”. Un evento xa tradicional que contará coa presenza variada de escritores, actividades diversas e ata 10 casetas de 6 librarías de Carballo, Coruña, Laracha e Vimianzo, para que todos poidamos consultar, coñecer, e mercar bos e interesantes libros para o que queda de verán, e por suposto para outras estacións.

Autores coma Fernando Cabeza Quiles, Rafael Lema, Margarita Barral, Alberto Lema ou Pilar García Negro tomarán parte nunha celebración que comezará co pregón musical “dramatizado” de Lino Braxe e que terá actuacións musiciais de Nordestin@s e Brath 22. Entre os actos tamén poderemos ver participando ó noso veciño Santiago Pazos.

Coma goberna quen goberna e o sectarismo non é fácil de curar, tamén teremos a tradicional sesión de adoctrinamento coa participación de Camilo Nogueira para falar das súas obras “Galiza na unión” e “Europa, o continente pensado”. Todo moi literario. Co aplauso que sempre merecen as feiras dos libros e co desexo de que algún ano se desvinculen definitivamente da política, recomendámosvos especialmente asistir.