Resultados en Carballo

Ano 2005

Ano 2009

Como prometeramos, estes son os resultados electorais no noso concello, comparados cos rexistrados hai 4 anos:

PPdG: sube de 6175 a 7324 votos, e dun 38.2% a un 41.9% (+3.7%).
BNG: baixa de 5018 a 4049 votos, e dun 31.0% a un 23.15% (-7.85%).
PSdG: sube de 4408 a 4509 votos, pero baixa dun 27.3% a un 25.8% (-1.5%).
TeGa: aparece con 963 votos, un 5.5%.

Como pode apreciarse, a nosa cidade amosa un comportamento similar ó doutras cidades e vilas similares de Galicia, cun aumento importante do PP e un descenso das forzas da esqueda. Aquí as particularidades están no descalabro do BNG, moito máis pronunciado que noutros lugares, e nos resultados de Terra Galega, que baseou os seus escasos votos a nivel autonómico naquelas vilas onde ten presenza municipal.

As análises e lecturas que destes resultados poidan facerse son tan variados coma formas diferentes de pensar existan. Haberá quen advirta que con estes números a nivel local a esquerda podería perder o goberno de Carballo, haberá quen pense que uns comicios galegos non son comparables cos municipais, haberá quen vexa un castigo por asuntos puntuais como A Lagoa, haberá quen pense que o fracaso no asalto de TeGa á Xunta pode facer peligrar o seu proxecto común... Pola nosa parte quedámonos con que en toda Galicia se ten producido un movemento político claro dende a esquerda nacionalista cara ao centro-dereita, e que Carballo non é unha excepción.