Toda a información do baloncesto e fútbol da Costa da Morte

Publicamos este post, non para dar conta de ningunha noticia en particular, senón para dar a coñecer, a quen non o saiba, o interesante seguimento que do deporte da Costa fan os nosos veciños na rede de A Nosa Costa.

Cun seguimento moi polo miudo (mesmo con fotografías), esta web resume os partidos e acontecementos de cada fin de semana protagonizados polos deportistas máis próximos a nós, moitos dos cales coñecemos e tratamos a diario. Unha forma intelixente e acertada de promocionar o deporte de base, e dar a coñecer o esforzo dos nosos mozos.

Inclúense tanto as noticias máis destacadas como as clasificacións de distintas competicións, e unha lista de enlaces a clubes deportivos.

A Nosa Costa mesmo ofrece un foro de debate no que poder opinar sobre varios deportes.