Andrade ataca a PSOE e BNG pola paralización do concurso do mercado

En relación coa polémica que vivimos nos últimos días sobre o retraso do concurso do mercado, hoxe día 25 na Voz de Galicia aparecen unhas declaracións do tenente de alcalde Manuel Andrade que non teñen desperdicio. Podedes lelas pinchando aquí.

Como podedes ver, nesas declaracións Andrade ataca con contudencia ó bipartito da Xunta, intenta xustificar a modificación urbanística para aumentar a superficie do mercado a costa das pistas e do xardín, culpa ó anterior goberno (por non calificar como de uso comercial as pistas e o xardín, ¡tal e como o oídes!), e fala de “disculpa” -que non de “trámite” ou “contratempo”- na paralización do concurso. Tampouco salva da queima ó seus compañeiros de goberno: “a débeda histórica con Carballo segue existindo e espero que o BNG e o PSOE cumpran a súa palabra”.

Comparando estas declaracións…

… coas realizadas por Evencio Ferrero o pasado domingo, non semella que as posicións sexan as mesmas, porque mentres o alcalde non ten ningunha presa e escúdase no retraso do informe da Xunta, Andrade non está pola labor de quedar cos brazos cruzados e quere presionar ós seus socios para que a Xunta informe e o concurso se resolva canto antes.

En fin, que Andrade bota máis leña ó lume das especulacións e dos rumores dos que nos faciamos eco recentemente (parece que non iamos moi desencamiñados). Cada quen, a sacar as súas conclusións.


Outros enlaces relacionados:

El PP se hace preguntas sobre el Centro Comercial

Centro comercial-parking ¿Descartarase?