Tres tazas máis

A rendición é unha palabra que non figura no diccionario de Manuel Andrade Cristóbal. Nin esa, nin as excusas. Por eso, como sospeitabamos e como xa anunciara, ven de anunciar que continúa adiante co proceso para outogar a concesión da praza do Concello, agora cun procedemento negociado sen publicidade, ó que se invitarán a 3 empresas elexidas polo goberno.

Coma a personaxe que interpretou o inesquecible Martínez Soria, don Erre que Erre, pese ó fracaso do concurso, e pese ás moitas críticas e oposicións que espertou na poboación, Andrade afirma estar convencido das bondades da súa idea, e do acerto que construir un túnel baixo a rúa Coruña, ó que agora non sabemos qué destino se lle vai dar.

Pero a cousa non queda ahí. Se o concurso para construir un parking (con centro comercial adosado) queda deserto, para chulo… Andrade di agora que quere construir ¡máis parkings! noutros lugares da vila. (Enlace en A Nosa Costa)

E se alguén que no seu goberno lle ían parar os pés, está confundido, porque Evencio Ferrero di que con calma, pero acepta o modelo do seu tenente de alcalde. (Enlace en A Nosa Costa)

¿Non queredes caldo? Pois tomade varias tazas.