Balneario de Carballo

Atopamos na rede este vídeo que promociona o balneario de Carballo, e aproveitamos estes días de relax estival para reflexionar sobre o presente e o futuro do termalismo en Carballo. Sobre todo despois de ler en datas recentes unha entrevista cun dos seus responsables quen, como era lóxico e xa temos comentado noutras ocasións neste blog, queixábase amargamente do entorno que rodea ó hotel.

Porque resulta bastante difícil explicar a un forasteiro como é posible que un establecemento adicado ó descanso, a tranquilidade e a desconexión co ruido do mundo moderno se atopa literalmente rodeado de pubs e bares, ata o punto constituir o verdadeiro núcleo en torno ó que se desenrola a marcha carballesa nos fins de semana. Unha marcha que inevitablemente acarrea barullo e molestias ata altas horas da madrugada, xusto todo o que queren evitar o nosos visitantes.

Tanto é así que o protagonista da entrevista comparaba a situación carballesa coa de outras localidades termais galegas, coma O Carballiño, para destacar que a capital de Bergantiños está lonxe de acadar o seu verdadeiro potencial na mateira. De feito a meirande parte dos habitantes da nosa cidade vive completamente de costas ou mesmo ignora que no seu interior existe un espacio coma este. Sirva o vídeo para dalo a coñecer e pensar un pouquiño máis sobre o que temos e cómo podemos aproveitalo.