… e ademais son pirómanos

Os malos non só non descansan das súas fechorías no verán, senón que ademais aproveitan as circunstancias para cometer outras propias da época.

Nas últimas datas Carballo foi noticia polos lumes que afectaron especialmente á zona de Carballo de Arriba. Que saibamos xa van 25 hectáreas de monte afectado polos xogos absurdos duns energúmenos que aínda por riba andan a tomar ó pelo as forzas de seguridade, bombeiros, grumir, brigadas, etc, con denuncias falsas. Finalmente a broma saiuse de nai e destrozou gran cantidade de plantacións doutros particulares, e mesmo ameazou lugares poblados e obrigou ós brigadistas a xogarse o seu propio físico.

Mentres tanto, a prensa local relata como algúns dos veciños se rían da situación. É o comentario máis acertado posible: unha banda de suxeitos repugnantes leva anos ríndose de todos nós.