O PP acusa ó goberno de utilización fraudulenta dos alumnos da escola taller

O PP envíanos unha nota de prensa na que acusa ó goberno de utilizar os alumnos da escola taller para tareas que non teñen que ver coa súa formación, referíndose á noticia publicada na prensa onde se di que os alumnos ían facer a urbanización dunha rúa de Carballo.

No último Pleno, a preguntas do PP, o alcalde dixo que “a formación dos alumnos seguía o plan formativo previsto”. Para o PP o goberno está utilizando “ós alumnos da escola taller ... coma man de obra barata”, “solucionando ´favores´ dos concelleiros”, e acusan ó alcalde “unha volta máis, e xa son moitas”, de “enganar ós carballeses cando afirmou que a formación era satisfactoria e cumplía co programa establecido pola orden de axudas da Xunta.”

Acaban criticando “o desastre......na xestión do proxecto da escola taller, que está a ser maiusculo, con irregularidades na contratación, falta de cumplimento de plazos e utilización inadecuada dos alumnos da escola para labouras que non se corresponden co plan formativo nen co obxeto da sua formación.”

Non lle discutimos as razóns que ten o PP para criticar esta actuación irregular do tripartito, pero pensamos que erra o tiro. Ós cidadáns, ¿qué máis lles da quen lles faga as obras, sexan alumnos ou non? Como o edificio da Casa dos Oficios aínda non existe, ¿onde van estar formándose os alumnos, senón noutras obras que teñan que ver co seu traballo? Sempre e cando teñan que ver co seu traballo, claro.