O mercado provisional, ó San Martiño

Onte, El Diario de Bergantiños ofrecía unha primicia sobre o proxecto de parking-centro comercial da praza do Concello. Aínda que todavía non se abriu a única oferta presentada, Manuel Andrade adiantaba que a localización escollida para montar o mercado provisional vai ser o parque do San Martiño.

A outra opción posible era a antiga estación de autobuses, pero, tal e como explicou o tenente de alcalde, a única empresa que se presentou, Surtiser Aparcamentos y Servicios, optou polo terreo situado xunto ó parque do San Martiño. Polo que temos lido e oído, os placeiros preferían mellor a vella estación, así que está por ver cómo se vai aceptar esta decisión.

O que máis chama a atención é que un representante político desvele ós medios de comunicación o contido dunha oferta que aínda non é pública, nin teóricamente coñecida por ninguén máis que por quen a fixo. Pero en fin, como neste asunto, cunha sola oferta, “todo queda en casa”…

Polo demais, a oferta en cuestión debería abrirse en breve, e inmediatamente resolver o concurso, dándolle a concesión, ou declarándoo deserto. Segundo Andrade todo isto vai suceder coa maior rapidez posible. Seguiremos atentos. Non se perdan o próximo capítulo.