Pantasmas na biblioteca

No medio das moitas polémicas referidas ó deporte, a delincuencia e mailas contas municipais, a semana que remata déixanos outra nova que pasou desapercibida. A nova biblioteca comarcal, unha obra dun millón e medio de euros financiada polo goberno central, ven de sufrir unha nova demora na súa tramitación.

Cousas de burocracia, cabe pensar, aínda que o certo é que a burocracia sempre estivo aí e que non é a primeira nin a segunda nin a terceira nin a enésima vez que sucede. Desta volta resulta que a xunta de goberno local ten que estudiar os cambios que se introduciron no pliego de condicións. Un retraso que se suma a outros, xa que en principio estaba previsto licitar a obra no ano 2011 e aínda terá que agardar polo menos outros 15 días, para que suceda, a finais de marzo. Certo é que o prazo que o Estado lle da ó Concello para rematar as obras chega ata finales de 2012, de modo que, coma di o anuncio, “maloserá”.

Pero non estaría de máis que dunha vez se planificaran un pouco mellor as obras e os seus trámites en Carballo. Porque a cantidade de retrasos, fiascos e chapuzas que levamos acumulados parecen cousa de pantasmas.