Bitácora de noticias e opinións sobre a actualidade de Carballo

martes, noviembre 29, 2011

Aquí hai tomate


Habemus tomate. Se xa sospeitabamos que a comisión de investigación sobre a contratación dunha candidata do BNG por parte do Concello podía traer moita cola, o propio alcalde Evencio ven de confirmalo… indirectamente.

Porque se ben ata o de agora a táctica do nacionalista consistía en desviar a atención sobre o asunto apuntando as dietas dos concelleiros da oposición, logo de que se verificase que a comisión vai adiante, a súa reacción é outra ben distinta e absolutamente reveladora para quen queira vela. Primeiro porque, como outra parte sole acontecer cando aparece un problema, quen sae a á palestra non é o propio Evencio Ferrero, responsable máximo, senón outro concelleiro enviado que nin sequera formaba parte do goberno en lexislaturas anteriores, Xosé Regueira (pero que se da a casualidade de que é o cónxuxe ou compañeiro sentimental da anterior concelleira de Servizos Sociais, Dores Silveira, baixo cuxo mandato conseguiu a praza a candidata do BNG). E segundo porque a postura do BNG, lonxe de prantexar un “a min que me rexistren” e proclamar a súa inocencia, resulta que consiste en ameazar ó PP con “facer funcionar o ventilador” e revisar os anos de goberno do Partido Popular, nos que asegura que se destruiu documentación (fonte: A Nosa Costa). É dicir, “y tú más”… polo tanto confeso que eu tamén.


Etiquetas: , , ,

4 Comments:

Anonymous Anónimo said...

É vergonzosa a actitude ameazante do BNG. Se realmente hai probas de que se cometeron irregularidades na época na que gobernou o PP, xa están tardando en presentar denuncia. Están no seu pleno dereito.
Outra cousa é que lle estean vendo as orellas ao lobo, e que realmente haxa algo que agochar.

Por favor, que deixen traballar á comisión e que pague quen cometese irregularidades. Y punto.

Que ruíns nos volvemos cando o vento sopra en contra...

29/11/11 20:59

 
Anonymous Anónimo said...

Este señor ha pensar que todos somos parvos. Mira que decir que faltan os papeles porque os destruiu unha xestoría. ¿E logo as oposicións fanse nas xestorías? Eu toda a vida vin tribunais de políticos e de funcionarios dos concellos, e os expedientes gárdanse no concello. ¿Non hai un arquivo no de Carballo ou será que o novo concelleiro ainda non se enterou?
A veces é millor decir que se perden as cousas para que non se poidan mirar, e o Bloque mirou e remirou durante moitos anos, e chegou ós xuzgados, e alí perdeu sempre. Logo gobernou, e non dixo nada. Agora tarde piaches...

29/11/11 23:49

 
Anonymous Anónimo said...

O do alcalde é de coña. Resulta que como fai 3 anos que pasou, ahora non se pode revisar o que fixo. Hai que botarlle güevos!!!

30/11/11 12:33

 
Anonymous Anónimo said...

Los pasos típicos de los Bloqueiros ante un marrón:

1º Hacerse el loco
2º Amenazar
3º Taparlo como sea, por lo civil o lo criminal.

1/12/11 00:28

 

Publicar un comentario

<< Home

 
eXTReMe Tracker
Enlace ó noso arquivo RSS Feedburner