Bitácora de noticias e opinións sobre a actualidade de Carballo

viernes, junio 17, 2011

Todos contra o PSOE


Ben sabedes que unha das nosas teimas sempre é a de tentar ler entre liñas. É dicir, buscar significados ás cousas que moitas veces non aparentan como tales na superficie, mirar un pouquiño máis aló do titular. E a este respecto está a chamarnos moito a atención o ensañamento que se está a producir co PSOE de Carballo a conta dos resultados electorais e especialmente o seu recurso presentado pola votación nunha das mesas, que tamén está a retrasar a constitución do pleno do Concello e mesmo da Deputación. En particular resulta significativa o ataque a degüello no BOE contra a actual dirección socialista dende unha sección de opinión habilitada ó efecto.

Porque non somos nós avogados defensores de ninguén, pero hai cousas que certamente chirrían. Certo que o PSOE de Carballo ven de acadar o peor resultado da súa historia (alomenos en número de representantes) e que está a recurrir ós despachos dunha forma un tanto desesperada para disimulalo. Certo é tamén que a política de colaboración-case-sumisión de José Antonio Viña para-con Evencio Ferrero non estaba a ser ben valorada polos cidadáns. Pero non é menos certo que os socialistas carballeses levan moitos anos nunha crise que os mantén atados a un fondo electoral de 2 concelleiros, con varios candidatos diferentes, e que só o efecto positivo ZP dos anos bos do PSOE lles permitiu unha lixeira subida ó terceiro, sempre lonxe do cuarto. E sen embargo, ata o de agora, nunca tales críticas se sentiran. E tamén é certo que nestas eleccións o efecto negativo ZP xogou en sentido contrario en todos os concellos de España. E aínda é maís certo que no entorno dos socialistas carballeses non asoma a cabeza, polo menos que nós saibamos, de ningún valiente disposto a tomar o relevo dun José Antonio Viña que, certamente, non semella ser o futuro do seu partido.

Así que se cadra temos que deducir que o resultado das eleccións deixou unha inquedanza no aire: que, se ben o BNG subiu un concelleiro, a suba en votos foi máis ben escasa e lonxe das expectativas da maioría absoluta máis “acadable” da súa historia; e que ben pola contra, o conxunto do bipartito perdeu concelleiros e votos por mor do descalabro do PSOE. Isto é, que o flanco débil da esquerda carballesa está nuns socialistas necesitados dunha inxección de adrenalina para espertar, porque do contrario un descenso nacionalista dentro de catro anos deixaría a alcaldía na outra balanza ideolóxica. E iso é o que algunha xente está tentando cambiar, aproveitando a situación.

Etiquetas: , ,

1 Comments:

Anonymous Anónimo said...

Todo el mundo en contra del PSOE precisamente... no, como bien se leía hoy en La Voz. El señor Sueiro era el que abogaba porque gobernase la lista más votada y hoy nos encontramos con que le ofrece a Viña la alcaldía. Pero oiga, después el señor de los pactos, era Evencio. ¿Diréis algo al respecto o tenéis miedo de que Albertito se enfade?.

21/6/11 17:58

 

Publicar un comentario

<< Home

 
eXTReMe Tracker
Enlace ó noso arquivo RSS Feedburner