O PP propón nomes de rúas

A finais de novembro (aquí podedes ler a noticia) o tripartito quixo impoñer nomes de rúas en Carballo, tributándolle unha "merecidísima" homenaxe a persoas vinculadas directamente á militancia nacionalista (como Moncho Valcarce, por exemplo), sen consultar antes co resto da Corporación.

Os populares acusaron ao BNG de “imposición e sectarismo”, así como de "esquecerse de que en Carballo non só conviven as sensibilidades que representa o BNG, senón tamén (maioritariamente) outras ideoloxías e crenzas.".

A raíz desas protestas, así como das críticas aparecidas nos medios de comunicación, ó alcalde non lle quedou outro remedio que aparcar o asunto temporalmente.

Agora, o PP fai pública a súa proposta de nomes para as rúas.

A lista comprende os seguintes nomes, coa xustificación que acompaña a cada un deles:

• Médico Antonio Lado: Desenvolviu a sua carreira en Carballo atendendo os veciños de toda a comarca
• Médico Ramón Louzao: Desenvolviu a sua carreira en Carballo atendendo os veciños de toda a comarca
• Médico Eduardo Mariño: Fundou unha clínica en carballo. Tivo gran presencia nas actividades sociais de Carballo: Bergantiños FC, Cruz Bermella, etc.
• Médico José Manuel Lado: Reconocido Psiquiatra. Director do hospital de Conxo.
• Emilia Mariño Aguirre: Muller pioneira na sociedade do seu tempo. Fundou unha academia de mecanografia e taquigrafia onde se formaron centos de carballeses.
• Concello de Cabana: Para seguir o criterio de recoñecer a concellos veciños, tendo en conta que non existe rúa con este nome.
• Vila de Arteixo: Idem.
• Vila de Ponteceso: Idem.
• Escultor Asorey: Escultor galego de gran relevancia artística.
• Pepe da Xan Baña: Escritor nado na nosa bisbarra.
• Rúa dos Vinte Irmáns: Familia de moitos membros de longa tradición carballesa.
• Rúa de Sor María: Fundadora do colexio das hirmans da caridade de Carballo, de gran importancia social e para o ensino de Carballo.
• Carlos Casares: Insigne escritor e presidente do Consello da Cultura Galega
• Padre Feijoo: Galego universal.
• Padre Sarmiento: Idem.

Os criterios utilizados polo PP para facer a súa proposta foron os seguintes:

1. Vencellamento con Carballo / Bergantiños.

Cremos importante que se dea maior sona a persoeiros de corte local ou comarcal. Entendemos o rueiro coma un recoñecemento dos propios conveciños a persoas especialmente salientables da nosa vila ou bisbarra.

2. Continuidade de criterio coa zona onde está a rúa que se renombra.

Intentar manter os criterios mantidos con anterioridade nas zonas onde sexa posible para facilitar a localización das ruas polo “grupo” ó que pertenecen (árbores, ríos, países,etc...)

3. Notoriedade e importancia xeral dos persoeiros

Incluir a persoeiros moi salientables que deben ser distinguidos po-la súa transcendencia e notoriedade pública a través da historia.

4. Que estivesen falecidos.

Creemos que é preferible nomear prioritariamente con nomes de fallecidos por unha cuestión de orde bioloxico que sirva para honrar e recoñocer a persoas xa desaparecidas.


Discrepamos con respecto a algún dos nomes que propón o PP (falta algún e sobra algún), pero coincidimos cos criterios que deberan aplicarse. Especialmente, parécenos moi ben o último dos criterios. É máis: debera aplicarse sempre ese criterio, incluso de xeito retroactivo.

Enlaces relacionados:

Imposición de nomes das rúas de Carballo