Imposición de nomes das rúas de Carballo

Recibimos unha nota de prensa do Partido Popular rexeitando "os modos autoritarios e sectarios do goberno municipal", referíndose a imposición de nomes de rúas que pretende levar a cabo o goberno no próximo Pleno do día 28.

Continúa decindo o PP:...

"Nunha nova mostra do seu talante, o Goberno Municipal levará ó próximo Pleno a súa proposta unilateral para poñerlle nome a varias rúas de Carballo, aprobada só polos grupos do tripartito na Comisión Informativa celebrada o pasado mércores.

Este absoluto desprezo do grupo mioritario da Corporación, contrasta coa actitude que mantivo o PP en ocasión similar. No ano 2001, gobernando Manuel Varela, puxémonos en contacto con tódolos grupos da Corporación para consensuar o nome das novas rúas. Naquel momento, en aras do consenso, o PP renunciou á súa idea inicial de distinguir a persoeiros unánimemente recoñecidos e que xa non estaban activos na vida pública. Eso non foi posible naquel momento pola oposición do BNG, e o PP preferiu non crear polémica, renunciando á nosa lexítima e xusta intención co fin de non rachar o consenso nunha cuestión que é desexable non cambiar segundo sexa o signo do goberno de turno.

Nembargantes, as cousas cambiaron. Agora goberna o BNG, co apoio dos outros dous grupos que forman o tripartito. O resultado, á vista está: nun alarde de imposición e sectarismo, pretenden impoñer unilateralmente os nomes das rúas, esquecéndose de que en Carballo non só conviven as sensibilidades que representa o BNG, senón tamén (maioritariamente) outras ideoloxías e crenzas."

Sen dúbida, os consensos son sempre aconsellables en política, pero máis en asuntos coma este, que só contribúen a xerar crispación. Os gobernantes deberan ter sempre presente que gobernan para todos, e deben procurar non ferir susceptibilidades.


Enlaces relacionados:

O PP propón nomes de rúas