A CIG, sorprendida, fala dun acto de vandalismo “coma en París”, mentres Evencio di estar “desconcertado”

A web do Concello tamén calificaba o incendio coma “actos vandálicos”

Se a noticia do incendio de 4 autobuses na estación de Carballo nos deixou a todos conmocionados na xornada de onte, as reaccións que hoxe podemos ler nos medios locais non deixan de ser chocantes.

Mentres os responsables das empresas afectadas amosaban a súa consternación e esixían que se investigase a fondo para poñer a disposición da xustiza ós autores desta barbarie, o responsable de Transportes da CIG, Xesús María Pastoriza Santamarina, dicía estar sorprendido, negaba calquer vínculo sindical, e manifestaba que «na actualidade non hai problemas laborais coa empresa, a relación con ela é nula».¿?

Pero o máis chamativo das declaracións de Pastoriza é a comparación que fai do sucedido en Carballo co vivido en París hai uns meses: «Eu pensei que respondía a algún acto de vandalismo, a algo como o que ocorreu en París fai uns meses, cando queimaron os coches». O que non sabiamos era que en Carballo houbese un 30 % de poboación inmigrante marxinal, nin que isto fose París.

En canto ao alcalde Evencio Ferrero, esperabamos unha condena sen paliativos. Pero o que dixo Ferrero foi...... que “lle desconcerta” que os autores do incendio prendesen lume a catro papeleiras no instituto Alfredo Brañas e que tentasen facer o mesmo con todas as do patio exterior, pois esto podería ter causado unha traxedia de extenderse o lume ó edificio.

Por outra banda, tal e como un lector nos advertía onte, a páxina web do Concello de Carballo, na mesma liña que o responsable da CIG, calificaba os ataques coma “actos vandálicos”.

Cando o Concello tería que ser o primeiro en facer un chamamento a que caia todo o peso da Lei contra esta xentuza, fálannos de “vandalismo” e de “desconcerto”. ¿Por qué hai medo a chamarlle ás cousas polo seu nome? ¿É que se pretende exculpar a alguén ou desviar a atención botándolle a culpa ós “vándalos” ¿Por qué ese coidado por se se ofende alguén? ¿A quén? ¿Cómo pode alguén calificar este suceso como simples “actos vandálicos”? “Vandalismo” é destruir por destruir, sen ningún sentido nin obxectivo. O que pasou onte non foi iso. Como dicía un lector, non foi unha gamberrada de catro críos que beberon de máis. Pola contra, está clara a execución dun plan preconcebido, con maniobra de distracción incluida (queima de contenedores no outro extremo da cidade). Estamos ante un acto que, de terse producido no País Vasco, todos teriamos calificado de terrorista. Como queira que non se perciben fins políticos na acción, o procedente en Carballo sería falar de auténtico “acto mafioso”, xa que esta xabotaxe evidencia a finalidade de amedrentar ou coaccionar ou vingarse dunha determinada empresa.

Tamén é certo que existen antecedentes sobrados en Galicia dalgún grupo sindical que leva anos practicando esta clase de barbaridades (recentemente, queima de camións, queima de ambulancias, ...). Todo o mundo é inocente mentres non se demostre o contrario. Pero temos dereito a pensar en voz alta. Que prendan ós autores e paguen polo que fixeron.

Por outra banda, o director do Instituto Alfredo Brañas, afectado polo “señuelo”, solicitou a colaboración cidadá para identificar ós responsables. Tamén aproveitou a ocasión para denunciar a celebración de botellóns nas inmediacións do centro e solicitar a chegada da policía nacional e do terceiro xulgado. Polo menos, queda alguén consecuente nas institucións de Carballo.


Enlaces relacionados:

Incendian cuatro autobuses en Carballo