Medio paseo máis, ¿medio paseo menos?

Comezan as obras do paseo con polémica polo retraso e os recortes de presuposto

Tal e como informa hoxe a prensa local, acaban de dar comezo as obras do paseo fluvial do Anllóns, que irá da ponte da Milagrosa ó Bosque do Añón. Esta tema xa o tratáramos nun dos nosos primeiros post, cando hai máis de 2 meses se colocaran os carteis de inicio de obra, pero ata estas datas aínda non se teñen iniciado os traballos, que segundo parece na fotografía da prensa, son de limpeza do río e desbroce do terreo.

Non obstante, o asunto ven tinguido de polémica. En primeiro lugar, porque...
...o PP reclama que se trata dunha obra acadada polo anterior goberno, “no sólo había conseguido financiación para el proyecto, sino también la autorización de los propietarios para actuar”. Neste sentido os populares acusan ó tripartito de retrasar deliberadamente a obra porque «puede ser que estén pensando qué partido va a vender la obra; que sea una estrategia del alcalde para mejorar sus resultados electorales, que buena falta le hace, o para que los carballeses se olviden de que lo consiguió el PP». A este respecto, o goberno xustifica o retraso en que antes foi necesario executar outras obras de saneamento relacionadas.

E, en segundo lugar, porque o paseo que se está a executar reduce á metade o presuposto do que no seu día preparou o anterior goberno, de 1.000.000 € a 500.000 €, de modo que se reduce a lonxitude e se perden elementos coma pasarelas peatonais, un anfiteatro previsto na antiga depuradora e un edificio multiusos. O PP critica que o Concello prefira gastar os fondos municipais en pagarlle o soldo a Andrade ou en obras coma o túnel, “y si se gasta en esto no se puede gastar en el Anllóns”.

Que cada un saque as súas conclusións. En calquera caso, esperamos que as obras avancen rápido e logo de tanto retraso pronto poidamos desfrutar dun agradable paseo pola beira do río.


Enlaces relacionados:

A punto de comezar as obras do paseo fluvial do Anllóns