Preocupación pola "deslocalización" de Calvo

De todos é coñecido o peso na economía carballesa da factoría de Conservas Calvo. Por eso resulta moi preocupante a noticia aparecida en Finanzas.com. Segundo declararon fontes da empresa á axencia Europa Press, Calvo “estudia deslocalizar algunas líneas de producción” (deslocalizar = eufemismo para referirse ó traslado da producción a outros lugares).

As fontes indicaron que a deslocalización non afectaría á sede da conserveira en Esteiro (Muros), o que non fai máis que acrecentar os nosos temores con respecto ó posible impacto desa medida na factoría de Carballo. Malia que Calvo “garantiza que no se perderá ningún empleo de carácter fijo”, temos entendido que a gran maioría dos contratos da fábrica de Carballo son temporais. ¿Veranse afectados estes traballadores?

De pouco consolo nos sirve que, segundo Calvo, a matriz se quede en Galicia (é decir, que tributará en Galicia). Pero, ¿e os empregos? ¿Trasladarase a producción de Carballo a outros lugares?