Surfeando en Razo por internet

Seguimos achegando á nosa bitácora diversas páxinas web relacionadas con Carballo, e nesta ocasión tócalle a unha das mellores.

http://www.artsurfcamp.com/é a páxina dunha escola de surf e bodyboard situada na parroquia carballesa de Razo, un dos principais destinos surfeiros de Galicia e de España. O deseño é moderno e moi atractivo, ó máis puro estilo californiano, dende a “intro” á navegación polas diferentes opcións, sen que por elo resulte en absoluto complexo.

A completísima información que ofrece “Artsurfcamp” inclúe dende citas de filósofos gregos a aspectos máis concretos como...:

- Detalle dos cursos que se ofrecen e as súas tarifas, nas que ademais do surf e o bodyboard inclúense outras actividades coma o ioga.
- Instalacións da escola, que inclúen 4 habitacións compartidas con 2 baños, salón recreativo e comedor, ademais de zona axardinada para a práctica de todo tipo de deportes.
- Información individualizada e currículum de tódolos monitores.
- Galería fotográfica.
- Enlaces con diversas páxinas locais e surfeiras.

Xa sabedes, se vos gusta o mundo do surf ou queredes aprender a practicalo, tedes unha cita inescusable na rede, e na praia de Razo, no Artsurfcamp.