Bitácora de noticias e opinións sobre a actualidade de Carballo

viernes, abril 07, 2006

Sueiro reclama para Bergantiños o mesmo trato que se lle dispensa ó Morrazo


O deputado autonómico do PP lembra as promesas do BNG e do PSOE en relación ca supresión da peaxe na AG-55

O deputado autonómico do PP Alberto Sueiro, nunhas declaracions feitas esta mañá, considera que, posto que o actual Governo da Xunta modificou o modelo de financiación das autopistas ó libera-la peaxe, deben ser tódolos usuarios, sen excepción, os beneficiarios desa iniciativa, en referencia á posibilidade de suprimi-la peaxe da AG-55.

Para Bergantiños e, en concreto, para Arteixo, Laracha e Carballo –engadíu o deputado popular- danse as mesmas circunstancias que para o Morrazo, é dicir, nós tampouco temos vía alternativa e para nós a AG-55 supón a vía principal de acceso a toda a área metropolitana da Coruña. Polo tanto, é necesario e xusto que se aplique para nós o mesmo criterio que no caso da península do Morrazo.

Alberto Sueiro lembrou que hai unha promesa electoral, feita polo BNG e polo PSOE, de elimina-la peaxe da AG-55. E, nese senso, puntualizou que ambas formacións políticas non deben modifica-las súas esixencias reivindicativas en función de se se atopan no poder ou na oposición.

Finalmente, o parlamentario autonómico do PP lamentou que o alcalde de Carballo non teña contado con tóda-las forzas políticas do municipio para fortalecer calquer reinvindicación que se formule ante o Governo da Xunta.


Enlaces relacionados:

Acordos e desacordos polas peaxes

A Xunta suprime as peaxes de Rande e A Barcala mentres sube a de Carballo

0 Comments:

Publicar un comentario

Links to this post:

Crear un enlace

<< Home

 
eXTReMe Tracker
Enlace ó noso arquivo RSS Feedburner