E despois din que non inventan

Nin galegos, nin españois. Como paso previo á independencia de Carballo, e coa altura de miras que caracteriza ó noso triunvirato reinante, os nosos próceres tripartitos demandan “a creación dun novo idioma para a Escola de Idiomas”. Lóxico, non hai nación sen idioma propio. (http://www.carballo.org/aodia/novas/noticia.php?id_nova=492&lg=gal)

En Carballo non nos conformamos coa simple incorporación dun novo idioma á Escola de Idiomas. Non, eso é para pobos pouco orixinais e culturalmente asoballados. Nin queremos adoptar o esperanto, que xa está creado. Non. En Carballo fanse as cousas “a lo grande”: se hai que facer un túnel e despois tapalo, faise, bos somos nos! Se hai que ampliar a oferta da Escola de Idiomas, que se cree outro idioma novo para a nosa Escola. Non nos conformamos con menos.

Temos unha dúbida: na noticia non se di quen vai ser o encargado de crear o novo idioma (¿a ONU? ¿o Instituto de Linguas Futuristas? ¿a Termomix?).

Dentro da nosa corta imaxinación (que, á vista está, queda moi moi lonxe da dos nosos gobernantes), ós webloggers ocurríronsenos algúns posibles nomes para bautizar o novo idioma:

“carballés” (buuuu, [pitos], qué pouco orixinal!)

“carbalego” (universal e orixinal, pero sen perder as raíces)

“carbañol” (seguro que coincide coa proposta de Andrade, sin comentarios)

“arajonés” (chamado así en homenaxe ó café con jotas, ó que tan afeccionados somos algúns carballeses/as)


Con tan fausto motivo, convocamos un entretenido Concurso: ¿qué outros nomes se vos ocurren?

(Premio: ¿parécevos pouco premio ter a honra de bautizar o novo idioma de Carballo?)