¿”Carballo Limpo”?

Ese é o título da propaganda do Concello. ¿É certo?

Vexan o “antes” e o “despois” da campaña de limpeza anunciada e bombo e platillo polos nosos gobernantes, e xulguen as fotos que nos envían desde Novas Xeracións do Partido Popular:







Hai moitas máis despois do "Seguir lendo":













E a nota que acompaña as fotos:

Novas Xeracións demostra de novo o fraude de “Carballo Limpo”

Como xa fixeramos antes co asunto a limpeza de solares urbanos, Novas Xeracións queremos denunciar de novo con probas o fraude que o governo local de Carballo está a vender ós cidadáns coa súa campaña propagandística de “Carballo Limpo”.

O alcalde, Evencio Ferrero, ten afirmado que na súa chegada ó poder a zona rural estaba plagada de vertedoiros incontrolados, e que grazas á súa xestión o seu número tense reducido drásticamente. Ámbalas dúas cousas son rotundamente falsas.

Un simple percorrido, non exhaustivo nin moito menos, realizado por nós permitiunos localizar ó longo deste ano varios vertedoiros coa intención de solicitar a súa limpeza, a meirande parte deles en lugares visibles e accesibles por calquera ciudadano. Hai máis dun mes o governo realizou unha suposta campaña de localización e limpeza que calificou de grande éxito. Temos voltado a comprobar o estado destes vertodoiros, e todos eles presentan exactamente o mesmo aspecto que antes. A única diferencia é que nalgúns se ten acumulado máis lixo ou que a vexetación ten cuberto en parte a grande cantidade de residuos.

NNXX solicita a limpeza dos vertedoiros que aquí mostramos e quere denunciar unha vez máis a forma que o BNG ten de entender a política. Entendemos que o vertido de lixo nos nosos montes e pistas é un problema complexo e difícil de resolver, pero o que en ningún caso podemos aceptar é o fraude permanente á cidadanía, ou que se nos tome a todos por parvos. Este é un governo que únicamente se preocupa polas campañas de imaxe e por vender proxectos que nunca se fan realidade. Cal sexa o estado verdadeiro do noso rural, tenlles sen coidado.