Máis pintadas

Se hai unha semana traiamos ó noso blog as pintadas realizadas sobre a imaxe de Evencio Ferrero, descubrimos agora na prensa local que o seu socio de goberno, Manuel Andrade, non correu mellor sorte.

O vandalismo e a falta de respeto democrático non respeta a nadie, e nun cartel de Terra Galega situado a escasa altura na rúa Vázquez de Parga, viñeron aparecendo repetidas pintadas nas que se lanzaban acusacións ó tenente de alcalde de Ferrero. Segundo o partido de Andrade, este feito reiterado obligoulles a cambiar o cartel ata 3 veces, ocasionando un gasto extra de 1.500 euros. Probablemente o aspecto económico é o menos importante do caso, porque visto o espectacular dispendio económico de Terra Galega (que daría para outro artigo e mesmo para un debate), 1.500 euros semellan unha esmola (por favor, que alguén que teña tempo contabilice o número de pancartas de Andrade e multiplique por 500, a ver canto sale. De dónde sale, non volo preguntamos, porque supoñemos que non o sabedes).

O curioso do asunto é que LVDG de Carballo recolle o rumor de que o autor das pintadas era unha persoa vinculada co BNG, aspecto negado por Ferrero. En calquera caso, trátase coma no caso anterior dun comportamento rexeitable, porque unha cousa é a liberdade de expresión, a liberación de tensións, ou mesmo o dedicar alguna palabra máis alta que outra a un político, e outra ben distinta é deteriorar unha pancarta ou acusar a algúen de delitos dos que no se teñen probas.