Poña un cortello no seu salón

Publicado hoxe na sección “Pregunte Usted” de La Voz de Galicia:

¿Que medidas tomarán os partidos políticos de Carballo con respecto á existencia de gando no casco urbán?

Manuela, unha veciña da avenida da Cristina de Carballo, está preocupada pola presenza, ao lado da súa vivenda, dun curral no que hai galiñas e porcos, o que, segundo asegura, provoca malos cheiros. Tamén di que as galiñas andan ás súas anchas pola rúa, e quere saber que medidas pretenden tomar os políticos ao respecto.

E esta foi a contestación de Andrade:

«A presenza de currais no casco urbano vén de moito tempo atrás, e hainos en todo o casco urbano. Dende logo, se no próximo mandato temos a responsabilidade de goberno, non imos ser nós os que prohibamos este tipo de actividade».