Alberto Sueiro volve a reclamar reduccións da peaxe

Mañá debatirase no Parlamento galego a proposición non de lei presentada polo diputado carballés do Partido Popular, Alberto Sueiro, na que insta á Xunta a negociar coa empresa concesionaria da Autoestrada A Coruña – Carballo a instalación de sistemas de telepagamento que fagan máis fluído o tráfico nesa vía de alta capacidade, para equiparar a dotación técnica da vía coa doutras autoestradas con elevada densidade de tráfico, como a do Atlántico, e así mellorar a fluidez da circulación.

O PP tamén reclama a flexibilización do sistema de tarifas, de xeito “que, polo menos, os usuarios habituais da vía podan acceder a reducións, descontos ou bonificacións das peaxes que aboan a cotío para utilizar esa vía.”

Segundo a nota de prensa, Sueiro considera que “o bipartito carece de argumentos para dilatar este asunto unha vez que anunciou a gratuidade do último tramo da autoestrada Santiago-Ourense”.

O voceiro de Economía dos populares galegos recorda ...o antecedente fixado pola Xunta que permitiu suprimir as peaxes da Autoestrada do Atlántico na Ponte de Rande e no acceso á Coruña desde A Barcala para os usuarios residentes na área metropolitana da cidade herculina de Vigo.

A xuízo do deputado de Carballo, "despois de destinar arredor de 300 millóns de euros desde o ano 2010 ata o 2048 para financiar a supresión da peaxe de Rande, a Xunta carece de argumentos para non negociar coa concesionaria da autoestrada A Coruña-Carballo unha flexibilización das tarifas aplicables aos seus usuarios habituais."

Sueiro Pastoriza considera que logo do recente anuncio de que o último tramo da autoestrada Santiago-Ourense vai ser libre de peaxe, a Xunta de Galicia "esgotou calquera argumento co que opoñerse a flexibilizar as tarifas da vía que comunica A Coruña con Carballo."

Resulta unha mágoa que nos tempos de Cuiña a Xunta non adoptara esas medidas. Sería que o barón do Deza estaba máis preocupado por outras cuestión sucesorias. E agora seguimos a padecer aos que prometeron a autoestrada libre de peaxe. Cos de antes e cos de agora, a pagar toca (menos mal que o alcalde de Carballo non para de convocar manifestacións).