Bitácora de noticias e opinións sobre a actualidade de Carballo

jueves, febrero 14, 2008

Máis vale estar alerta


Un par de notas negativas que lemos nas novas de carácter galego, e que aínda que non se refiren a Carballo poden chegar a ter implicacións directas para nós.

Por unha banda liamos onte que a Xunta de Galicia ven de abrir ó tráfico a autovía Santiago-Brión, a primeira construida por este goberno. Magnífica noticia se non fora porque resulta que a meirande parte do seu recorrido está limitado a 100 Km/h. Aquí, que estamos a agardar que se cumpran os prazos anunciados por Touriño para a vía Carballo-Berdoias, e que xa temos cachiños da A-55 con limitacións da misma velocidade, debemos estar alerta para que no nos dean gato por lebre. Que non é o mesmo ir dende Cee á Coruña a 100 que a 120. Nin moito menos.

E pola outra lemos no confidencial de www.galiciadiario.com que o grupo Voz está a pasar por momentos complicados. O certo é que a prensa escrita hai tempo que está en crise e que a aventura da TDT está a resultar ruinosa a todos os que a teñen iniciado, de aí que se especule coa posibilidade de reducir o seu número de edicións. Aínda que teñamos manifestado repetidamente o noso desacordo coa forma de traballar deste xornal, dende CD defendemos decididamente a pluralidade e a liberdade de expresión, e desexamos que en Carballo a Voz conte sempre cun amplio seguemento da actualidade local.



0 Comments:

Publicar un comentario en la entrada

Links to this post:

Crear un enlace

<< Home

 
eXTReMe Tracker
Enlace ó noso arquivo RSS Feedburner