Problemas

Un dos cometidos dese misterioso organismo chamado CIS (“centro de investigaciones sociológicas”) é o de preguntarnos periódicamente a todos os españois cales consideramos que son os principais problemas do pais. Trátase dun barómetro que reflexa o sentir xeneral da población, e serve par orientar a dirección na que os distintos axentes sociais deben traballar.

Lamentablemente, estes barómetros non funcionan a escala local, e deste xeito algúns temos a sensación de que moitos dos nosos goberno e demais axentes municipais teñen por demasiado habitual centrarse en cuestións que pouco ou nada preocupan ós cidadáns, ó tempo que desatenden as súas verdadeiras obrigas.

Este problema era especialmente grave no caso de Carballo, onde esas vallas publicitarias tan fermosas nos teñen ocultado durante bastante tempo a realidade. Claro que iso ten cambiado nos últimos tempos, nos que temos visto e oído a distintos colectivos denunciar e reclamar a solución ás trabas que afectan á súa vida cotiá. Incluso a Voz de Galicia, medio tan reacio a entrar en segundo qué polémicas segundo a quen afecten, ten recuperado tímidamente a vocación xornalística e leva varias semanas analizando polo miudo o desastre educativo da nosa cidade. Mais éste non é nin moito menos o único problema que nos afecta.

Dende a nosa modesta posición e aproveitando a cercanía que Internet permite cos lectores, invitámosvos a participar no noso particular barómetro e deixar aquí constancia de cales pensades que poden ser os principais problemas de Carballo. ¿O tráfico? ¿Os aparcamentos? ¿A seguridade? ¿A vivenda? ¿Os servizos? De entre os resultados faremos unha enquisa para valorar de maior ou menor a súa importancia.