O día que Galicia se parou
![](https://blogger.googleusercontent.com/img/b/R29vZ2xl/AVvXsEgyIp2gofu4mx3kHxBjH7QJf3Mvp87XJ-0duGNN1GoYLvIv9BGelD4FYY0_J0VbgIJhyrEZW4ZZyK9Wns2j5NfVbVIUx1nC5Bn3GM2KIxx-V8hQqyXXVRddZ1YYxW8xqWO-TAo/s320/Truman.jpg)
Foi esta fin de semana. Houbo un acontecemento que sobresaliu por riba de todos os demais artigos das axencias de prensa. ¿A crise do PP? ¿A paga dos 400 €? ¿O fillo da Chacón? ¿O terremoto de China? ¿O parón inmobiliario? ¿O desastre de Birmania? ¿A política de inmigración de Berlusconi? ¿A carreira de Alonso? ¿O chiki-chiki? Non, nada de eso. Para La Voz Defensora de la Gestión Excelente unha noticia superou en importancia a todas as anteriores, de tal modo que ocupou o lugar máis destacado da primeira plana do primeiro xornal de Galicia: Evencio Ferrero fixo balance do primeiro ano de lexislatura.
Así é, seguindo a serie que LVDGE ven realizando do primeiro aniversario de xestión das corporacións municipais tocoulle o turno ó alcalde nacionalista de Carballo. Mais lonxe de ocupar unha discreta páxina interior da sección local coma todos os demais políticos e alcaldes das nosas comarcas, o "azar" reservoulle ocupar o noticia central da primeira plana da edición dominical do xornal. E todo iso para ofrecer unha apaixonante e novidosa entrevista, quen se sabe se candidata ó Pullitzer, na que resumidamente Ferrero afirma que ten un modelo para Carballo, que está a traballar na interminable lista de promesas realizadas históricamente polo seu partido, e que "agarda" ver resultados pronto.
I é que coma xa dixeramos en ocasións anteriores, hai enchufados que se bautizan porque teñen padriño, e aquí en Carballo o mundo párase para engrosar a millonaria audiencia do Show de Truman.
0 Comments:
Publicar un comentario
<< Home