Sofán, sitio distinto

Igual que lle sucedía a aquela república que gobernaba o jalifa Antón Reixa na TVG haberá cousa de 15 anos, Sofán é un sitio distinto. Hoxe nos micrófonos de Radiovoz o alcalde de Carballo, Evencio Ferrero, saía ó paso das polémicas desta fin de semana para deixar clara a súa postura, entre elas por suposto, as contraversias do Galopín-gate.

En primeiro lugar Ferrero tentaba explicar a sentencia xudicial que, segundo anunciara o domingo o Partido Popular, ven de dar a razón á oposición e anular o procedemento que se seguiu para contratar a un arquitecto por parte do Concello. Ocasión para lucir a famosa labia do primeiro edil, capaz de convecer á audiencia de que en realidade a sentencia lle é favorable en todo, agás nalgún pequeno detalle opinable que haberá que recorrer.

E nunha segunda parte, tocáballe o turno á polémica estelar das últimas xornadas, as condicións de calidade e seguridade dos parques infantís de Carballo, singularmente o do centro social de Sofán. Neste apartado Evencio deixou claro que para él o caucho é un elemento totalmente seguro, pero que nesta parroquia se elexira area como pavimento simplemente porque nese caso se "considerou máis conveniente", sin que "teña sentido" entrar en maiores consideracións nin prolongar o debate. E punto. Pero ¿por qué en Sofán é conveniente a area e no resto do concello é conveniente o caucho? Pois se o alcalde no quere explicalo, só nos queda unha resposta: Sofán é sitio distinto.