Carballo parado (pero detrás das vallas)

Uns deses datos que non atoparedes nos medios de comunicación oficiais. Coñeciamos de fai tempo os desastrosos datos de paro que presentaba o noso concello, o segundo da provincia coa taxa máis alta, solamente superado por Camariñas.

Pois ben, hoxe A Nosa Costa revela os números do mes de decembro que pechou o ano 2009. Mentres que Santa Comba e Corcubión foron quen de crear emprego, o resto de municipios viron engrosar as listas do INEM. E unha vez máis Carballo levou a palma, con 216 novos parados, mentres que no total do ano foron 624. Nada máis e nada menos que un 2% da poboación total, en torno a un 5% no tocante á poboación activa, e cun tercio dese incremento neste último mes. Datos coma para facer tremer a calquera e que ademais constatan unha realidade que se percibe na rúa, pero non nos pasillos oficiais.

Porque non agardedes que os nosos gobernantes, ni tan pouco a súa oposición, e moito menos os defensores da xestión excelente vos falen deste asunto. Están máis ocupados falando do sexo dos anxos, revisando as nóminas das súas adicacións exclusivas e preparando o seguinte peloteo en titulares. Aínda que ollo, a realidade detrás das vallas está oculta pero non deixa de existir. E os parados, se ademais son ninguneados, poden resultar moi cabreados.