Bitácora de noticias e opinións sobre a actualidade de Carballo

viernes, febrero 19, 2010

Demasiado bo para ser certo




Que sí, que somos desconfiados, pero non é por molestar nin tampouco por método. É por costume, por tantas veces que nos teñen engañado. Por iso incluso as boas noticias, cando parecen seguras, nos dan que pensar.

Hoxe publica a prensa local que a Xunta ven de adxudicar a redacción do proxecto da circunvalación de Carballo. Realizarao a empresa Idom cun prazo de 9 meses. Trátase dun compromiso que adquirira o presidente Feijoo na campaña electoral e que hai tan só uns días reiterou na capital de Bergantiños: que nesta lexislatura estaría contratado o proxecto. E constitúe un novo cumprimento das promesas do novo goberno da Xunta para coas nosas comarcas, trala reducción da peaxe na AG-55 (que aínda está por aplicar, non cantemos vitoria) e a nova licitación da autovía Carballo-Berdoias.

Por iso estamos tan mosqueados. Porque cando uns gobernantes semellan cumprir aparentemente coa súa palabra de forma tan puntual en 3 asuntos diferentes e importantes para as infraestructuras da nosa vila, ten que haber gato encerrado. Ou iso, ou o presidente da Xunta é diferente a todo o que coñecemos ata o de agora. E aínda que soñar é gratis, iso sería demasiado bo para ser certo. Seguiremos facendo marcaxe para descubrir onde reside o engaño.



Etiquetas: ,

0 Comments:

Publicar un comentario en la entrada

Links to this post:

Crear un enlace

<< Home

 
eXTReMe Tracker
Enlace ó noso arquivo RSS Feedburner