Sempre informados
![](https://blogger.googleusercontent.com/img/b/R29vZ2xl/AVvXsEj9yC9WPQdaOmynkE9XQuibUPEj5V0qaf81pXxjt74b27gLiwYFpXkSGH2m8VNi4u8L43Jtbyb6rWda92NkwVavdt2CoEs0X_aMsRMC9Svjqg3M5_sf7AJ__HJ3QeBOe630vqs/s320/panel.jpg)
Xa as tiñamos visto noutras localidades e agora chegan a Carballo. Trátase de pantallas informativas de grandes dimensións que se colocan en puntos estratéxicos do tráfico de vehículos e persoas e que ofrecen toda clase de información ós veciños, tanto publicidade de axentes privados que anuncian os seus productos, coma información pública municipal referida a actividades, actos, avisos, etc.
O sistema funciona por concesión dun empresario que terá que pagar un canon periódico ó Concello e deixarlle utilizar do seu espazo. No caso de Carballo os lugares elexidos son a calle Coruña onde se coloca a tómbola do San Xoán e mais un lateral do Casino en Camiño Novo, e o servizo xa comezou a funcionar logo dun breve período de probas.
Felicitamos ó Concello porque se trata dun sistema intelixente e proveitoso de ter informados ós veciños, sempre e cando por suposto se empregue de modo axeitado. Agardemos que os amigos da destrucción que ultimamente copan as tertulias carballesas non lles poñan o ollo enriba, ou que as pantallas estean ben vixiadas.
(Por certo, propoñemos para darlle o Premio á Pedantería 2008 ao responsable municipal que tuvo a idea de chamarlle á esas pantallas "punto dixital de información")
Etiquetas: pantallas informativas
0 Comments:
Publicar un comentario
<< Home