Sube o Bergantiños
![](https://blogger.googleusercontent.com/img/b/R29vZ2xl/AVvXsEisBS15lwxTGNseaPk7acSraqW5aYj7_yQvdcoA2BS2D-noqVXZ5ZO4CQX9OEmJLUYDQV7-peCNPtHjv5N9NOLzVVJtRK3nJPsz__bqBWqQich3_4bIooVB_V13jJIbfMBiYXA/s320/Berganti%C3%B1os_CF.png)
As noticias acumúlanse neste inicio de xuño carballés. Na xornada de onte as famosas formigoneiras do ascenso do Deportivo voltaban á carga para apoiar ó Bergantiños (entrada na Wikipedia) no seu asalto á 3ª división. E non foi en balde.
Logo da derrota por 3 a 2 no campo do Barbadás, os de Brizzola precisaban gañar alomenos por un gol para superar a eliminatoria e acadar o tan ansiado retorno á categoría nacional. E foi un solitario gol de Jordi o que fixo estremecer ós preto de 1.500 siareiros que ateigaban o campo das Eiroas, e desatar a tolería colectiva cos claxons que durante toda a tarde atronaron á capital de Bergantiños.
Así pois, logo dunha sufrida tempada “no inferno”, o primeiro clube de fútbol da comarca retorna por fin á categoría que por historia e tamaño de poboación lle corresponde. Noraboa.
Etiquetas: Bergantiños, deporte
0 Comments:
Publicar un comentario
<< Home