Por oito millóns de euros

Esa é a cantidade que, segundo a deputada socialista Marisol Soneira, costaría cada ano liberar a peaxe da A-55.

Os datos saen dunha entrevista realizada por Radio Voz e que onte recollía en lugar destacado La Voz de Galicia, edición Carballo. Recomendamos que lean o artigo de principio a fin, porque non ten desperdicio por ningún lado, e que saquen vostedes as súas propias conclusións, sobre todo comparando coas anteriores declaración de Soneira, que xa rescatabamos da hemeroteca en post anteriores.

As nosas reflexións son as seguintes: a Administración dispón de 6 millóns de euros anuais para liberar as peaxes de Rande e A Barcala, pero non de 8 para liberar a A-55. Se para o BNG, os culpables son o PPdeG e o goberno de Madrid, para o PSdeG o culpable é o PPdeG. O PSOE acaba de descubrir que liberar unha peaxe costa cartos, e non é solamente unha cuestión de porque si. Marisol Soneira acaba de descubrir que hai outras prioridades antes que liberar a peaxe, por suposto porque llas deixou o PP. Todas estas cousas permaneceron misteriosamente ocultas durante os anos de oposición do PSOE, e ningúen reparou nelas á hora de facer promesas electorais.

Ó final vai resultar que facer gratuita a autovía non era cuestión dun simple puñado de euros, ¿ou si?



Enlaces anteriores:


Mañán sube a peaxe (qué raro)

A Xunta suprime as peaxes de Rande e A Barcala mentres sube a de Carballo

Case todos

Acordos e desacordos polas peaxes