Bitácora de noticias e opinións sobre a actualidade de Carballo

viernes, agosto 04, 2006

Tranquilidade nas praias

Esa parece ser o aspecto a destacar durante o mes de xullo nos arenais carballeses de Razo e Baldaio, polo menos segundo o informe mensual que ven de emitir o Grumir (Grupo Municipal de Intervención Rápida) e a Unidade de Salvamente Acuático. É dicir, que os/as socorristas carballeses/as, que pouco teñen que envidiar ós da serie de TV que agora está repoñer a galega, non tiveron que empregarse a fondo.

Segundo as datos facilitados ós medios, no mes pasado non houbo que lamentar ningún incidente grave, pese a terse dado unha gran cantidade de bañistas polo bo tempo que desfrutamos. Pola contra, a maior parte das 83 intervencións realizadas en Razo e as outras tantas realizadas en Baldaio, respoden a picaduras de peixes ou pequenos cortes e feridas.

Non obstante fóra da auga non se deu esa mesma tranquilidade, xa que moitas persoas mostraron o seu malestar polas obras de estabilización da liña de costa que se están a realizar. Se ben é certo que as obras son necesarias, e que o bo tempo axuda a que avancen máis rápido, nós preguntámonos se non se podería ter previsto este aspecto e compatibilizado mellor os horarios de traballo cos de maior afluencia á praia.


0 Comments:

Publicar un comentario

Links to this post:

Crear un enlace

<< Home

 
eXTReMe Tracker
Enlace ó noso arquivo RSS Feedburner