Máis información sobre o verquido no Anllóns

O xoves da semana pasada, a raíz dunha denuncia do PP, preguntabámonos sobre a posible existencia dun verquido no Anllóns que provocara a morte de troitas.

Ó día seguinte, saía na prensa o concelleiro do BNG Luís Lamas asegurando que “hasta ayer no se había producido vertido alguno al Anllóns”, aclarando que os peixes que apareceran mortos na zona da Cepeira eran "xurelos que alguén tirou ó río" (declaracións que aparecen recollidas neste blog como ampliación da noticia anterior).

Esta aclaración dou pé a que algún lector de Carballo Dixital fixera algún comentario xocoso, do estilo de: “os do PP non distinguen as troitas dos xurelos”.

Pois ben, finalmente resulta que o mesmo concelleiro viuse obligado a recoñecer, tras unha pregunta do PP formulada no último pleno, que si houbo tal vertido, como consecuencia da “rotura dunha tubería [da Estación Depuradora de Augas Residuais] durante uns traballos de mantemento”, tal e como recolle hoxe a prensa.

E claro, agora contraataca o PP, acusando ó goberno de, primeiro, ocultar información; e despois, mentir. Ademáis, o PP volve a decir que “ten constancia de que hai un informe da Consellería de Medio Ambiente que confirma a existencia dun verquido contaminante que provocou unha mortandade de troitas.”

Despois destes antecedentes, ¿a quen debemos crer?

¿Cómo era ese refrán?


Enlaces relacionados:

¿Verquido no Anllóns?