Perdido no túnel?

¿Quén dixo que Terra Galega baseaba solamente a súa campaña nos aperitivos ou nas grandes cenas (de balde)? Non, os tempos cambian e a oferta de productos da factoría Manuel Andrade amplíase.

No mitin central de campaña, onde os centristas de Carballo din ter xuntado a mil persoas, houbo orquestra, gran espectáculo de luz e de son, asentos forrados de branco coma nos bos restaurantes, por suposto non faltou de qué comer, e repartíronse distintos regalos.

Aos xa comúns (abanicos) ou menos comúns (sombreiros), engadiuse un regalo moi especial, unha lanterna. Este sorprendente agasallo é toda unha novidade no amplo repertorio de marketing electoral que os partidos desplegan en campaña, e ten alimentado multitude de comentarios. O máis curioso e malintencionado, o que di que o partido de Manuel Andrade precisa dunha lanterna para colocarlle ó sombreiro e orientarse dentro da oscuridade do famoso túnel da rúa Coruña.

Mentres non teñamos outra explicación, quedámonos con esta divertida asociación de ideas.