Decíamos ayer...

Carballo Dixital, 17 de abril de 2007:

Confusión informativa

A que nos deixa La Voz de Galicia edición dixital. Por unha parte lemos o seguinte titular: “En mayo comienzan las obras de la autovía de la Costa da Morte”. Caramba, gran noticia. Non esperabamos que a cousa fose a saír agora. Profundicemos. Lendo o desenrolo do artigo chegamos a este párrafo:
“Además, avanzó que a finales de mayo se pondrá en marcha la autovía de la Costa da Morte, en concreto el tramo Carballo-Berdoias, el más importante del trazado, a través de una concesión pública que saldrá a licitación cuando concluya el próximo mes.”

Vexamos, estamos en abril, así que o próximo mes é o de maio. Cando conclúa o mes de maio, polo menos terá que ser xuño. E só a partires de xuño “saldrá a licitación”. É dicir, convocarase o concurso para ver qué empresa fai a obra. Concurso que terá que estar en información pública como cousa dun mes. Logo pasarase ás reunións da Xunta para escoller a oferta, adxudicarase, etc, etc, metémonos en setembro. ¿Cómo poden empezar entón as obras en maio?

[…]

O máis curioso é que esta confusión informativa ven a dicir que a obra máis importante e tan agardada para a Costa da Morte vai ser gratuíta e dar comezo… a finais de maio. ¿Qué cousa haberá que sucede a finais de maio, que nós non lembramos? ¿Sabédelo vós?

Curiosamente, o mesmo xornal publica agora, a mediados de xullo, e como gran nova, que se abre o concurso para presentar ofertas (un pouco máis tarde incluso do que previamos nós). Por suposto, xa non eramos tan inxenuos como para agardar unha rectificación á información falsa de 3 meses atrás. Nin sequera despois de pasar maio.