Novo proxecto do noso free lance

Henrique Mariño é un auténtico Land Rover do xornalismo. Coñecerédelo (ou non, pero dá igual) por ser correspondente de EFE en Sao Paulo, polo seu finiquitado blog (clínicamente morto, prometémoslle non poñer o enlace), porque gañou un premio de xornalismo gastronómico, porque escribe no suplemento de Cultura de LVDG ou porque monta un blog de rock á última. E agora acaba de poñer en marcha Backstage, un programa en vídeo de entrevistas musicais que se emite a través do diario dixital adn.es (Grupo Planeta).

A primeira charla, moi interesante, ten por protagonista a Antonio Luque, ideólogo de Sr. Chinarro, que precisamente onte tocou en Carballo (pub A Reserva).