Catro anos

Pasóusenos o cabodano, pero para os aniversarios nunca é tarde. Corría o 16 de novembro de 2005 cando Carballo Dixital botaba a andar. Levamos xa catro anos con 1.105 artigos adicados a dar cabida a todas aquelas noticias, opinións, análises e datos da actualidade local de Carballo, que a prensa convencional non pode ou prefire non contar. Un traballo sacrificado (non somos profesionais) e un espazo aberto á liberdade de expresión que esperamos poder seguir facendo se vós queredes e o noso tempo nolo permite. Unha vez máis, gracias a todos os que nos seguides e os que colaborades coas vosas achegas e comentarios, esteades ou non de acordo con nós.