Feira do Libro

Hoxe inaugúrase a Feira do Libro ("Praza dos Libros", na denominación oficial do Concello de Carballo) que finalizará o domingo. Segundo reza o programa, estará chea de actividades "para todas e todos" (que non falte o "políticamente correcto", aínda que sexa incorrecto lingüísticamente).

O pregoeira (12 h.) será a guapa (¿está permitido decilo, ou é "sexista") Yolanda Castaño (na foto), que tamén lerá contacontos en verso para nenos, ás 7 da tarde. Ás 8:30, videoinstalación de Teresa Moure.

O venres, Contacontos pola mañá, Monicreques ás 7:30 e sinatura de libros por Rosalía Fernández, Mon Lendoiro, Alberto Varela Ferreiro (as 60 primeiras persoas serán agasalladas cun libro do autor) e Xosé Antonio Pet Pose. Seguirá a presentación de "Covalladas. Prosa vertical", de Xurxo Borrazás. E rematará o día cun festival folclórico con grupos de Carballo e Uruguay.

O sábado, obradoiro de regueifas pola mañá e regueifa pola tarde. Despois, doutrina sobre o galego ("A lingua que queremos"), para rematar o día con concerto dos Carunchos.

Clausúrase o domingo, con "ciclobiblioteca" (sexa o que sexa eso), máis contacontos, sinatura do libro de Rober Bodegas (pola mañá), e presentación do libro "Galicia en Suiza" e espectáculo de maxia (pola tarde). Este meso día, cada libro levará consigo o agasallo dun pan de Carballo.

Polo que se ve do programa, todo é referido á producción en galego (salvo a excepción de Bodegas).