Unha de cal e outra de area
![](https://blogger.googleusercontent.com/img/b/R29vZ2xl/AVvXsEg4AJ69-kGZXB3pFX7nakSO289pZj5sijC9Wxb-HKfhwwMYT1HhIITMkYJwM4Prl3_wve5MNF72qWIqppfU-43ww-KF40TPUeD67RqN2Wpe5zwY3Zp6-eLUmRMZzNKuCsidIki2/s320/aerogenerador1.png)
Dúas novas importantes nos chegan estes días dende Santiago. A primeira, a de area: Industria ven de aprobar o parque eólico de Pedrarrubia. Ben é certo que esta noticia era de agardar, porque despois de que o proxecto pasara o trámite ambiental hai xa máis de dous anos, xa sabiamos que a autorización viña obrigada e só era cuestión de tempo. Con todo, hai un ano mantiñamos a esperanza de que, a pesar de obter o permiso, finalmente as circunstancias económicas obrigasen á empresa a aplazar a obra. Mais semella que non vai ser así, porque onte o BOE afirmaba que nos vindeiros meses veremos comezar os traballos para levantar as torretas por parte da concesionaria, Galenova. Tamén descubrimos con sorpresa que a oposición á instalación deste parque eólico foi menguando, probablemente porque moitos propietarios chegaron a acordos coa empresa. Semella inevitable que nos teñamos que afacer a ver muiños de vento cando miremos terra adentro dende a costa do noso concello.
A de cal chega neste caso dende a Consellería de Infraestructuras, porque o conselleiro comparecía de novo onte para confirmar que as obras da autovía Carballo-Berdoias escomezarán na primeira semana de agosto. Seguiremos atentos.
Etiquetas: autovía Carballo Berdoias, parque eólico pedrarrubia galenova aerogeneradores
0 Comments:
Publicar un comentario
<< Home