De sobrao
![](https://blogger.googleusercontent.com/img/b/R29vZ2xl/AVvXsEhTP_qIsA8UyQsx_MBAeWoOU3s8JXHgPbYrZCIk9GSUP4n2Ar4iD1NP8A-KoRMs-Wv_hx2Q4t4JKF2xD3kUecWs3-KFgMlnEoUM3LZk9dW1R1Je4TGTy_wFdb6VYZ2X9sgYU5xI/s320/exercises-biceps.jpg.gif)
Xa levabamos moitos meses sen falar de Manuel Andrade, e notábase que algo faltaba. Hoxe A Nosa Costa déixanos unha nova e marabillosa entrega das súas ocurrencias, que ademais nos sirven para facer un sucinto repaso pola actualidade carballesa.
Do parque de Pedrarrubia reparte culpas entre PSOE, BNG e PP, a piscina parécelle impresentable, un proxecto sin formalidade dirixido por “persoas interesadas no tema”, e remata con acerto acusando ós nacionalistas de predicar contra o cemento e construir un “mamotreto” no parque do Rego da Balsa.
E verán coma ó líder de Tega os anos e a inactividade nin lle diminúen o seu amor propio. Co gallo da revisión do Plan Xeral, na que os técnicos do Concello están a axustar o documento ó informe enviado no seu día pola Xunta, e sobre o que pende a espada de Damocles dunha sentenza xudicial, Andrade di que aquí moito falar de consenso, pero consenso “de boquilla”. Porque o documento foi enviado sen ter en conta á comisión, porque non ten en conta a capacidade da vivenda en Carballo (e iso que o Plan consideraba 30.000 habitantes máis en 12 anos), e porque había que facer outra redacción empezando de cero, que non lle levaría “máis de 15 días”. Lástima que nos seus 4 anos de concelleiro e nos moitos anos anteriores na década dos oitenta, Andrade non amosase a mesma dilixencia no urbanismo carballés, nin en moitos outros asuntos e obras.
Etiquetas: Andrade, PXOM Plano Xeral Ordenación PGOM, TEGA
0 Comments:
Publicar un comentario
<< Home