Calvo busca dono

Atención á noticia de portada de La Voz de Galicia (edición electrónica) de hoxe: Conservas Calvo busca dende hai xa dous meses novo propietario, e xa encargou o mandato de venta a unha firma de inversións chamada Nmás 1. Cando menos, así o anunciaba onte a edición electrónica do diario económico Expansión.

Segundo este xornal, os irmáns Calvo Pumpido, que acumulan o 77% do capital da empresa, estarían buscando comprador para a súa participación. Parece ser que a nova correu rapidamente entre os traballadores, e que esta mesma mañá hai unha reunión para tratar o asunto.

Como antecedente do futuro de Calvo, temos que lembrar que hai uns meses tamén se suscitou un conflicto motivado por unha posible deslocalización, e que daquela se celebrara unha manifestación só secundada por CCOO, e que fora criticada por outros sindicatos e medios de comunicación.

Polo de agora máis non sabemos, e tampouco a empresa emitiu comunicado algún, que nós saibamos, de modo que nos manteremos expectantes a posibles novidades.