Máis reaccións á situación de Calvo

Carballo é portada de primeira páxina en case toda a prensa e radio galegas, e por desgraza, non por algo positivo. O incerto futuro de Calvo preocupa e moito na nosa vila e en toda Galicia, e as reacción e comentarios son tantos e tan extensos, que non hai moito que nós teñamos que aportar. Nembargantes, imos tentar facer un pequeno resumo de prensa de canto está a suceder:

- Calvo comunica ós seus traballadores que o cambio de propietario non ten por qué ser malo. (www.galiciadiario.com).
- Algúns representantes sindicais manifestaron que as explicacións da empresa non foron nada clarificadoras. (www.galiciadiario.com).
- Touriño di que hai empresas galegas interesadas na compra, mentres Feijoo critica que o comportamento da Xunta xenera desconfianza nos empresarios e Quintana cre que “ó final vai haber máis nacionalistas do que se cría”. (www.galiciadiario.com).
- A fusión de Calvo e Jealsa suporía a maior conservería de Europa, pero o elevado custo dificulta a operación. (www.lavozdegalicia.es)
- O presidente de Calvo di que non van ser segunda marca doutra empresa. (www.lavozdegalicia.es)
- Calvo manexa 3 ofertas de compra xestionadas por Nmás1 que poderían estar listas en 15 días (www.lavozdegalicia.es).
- A empresa garante que as plantas de Carballo e Esteiro seguirán a funcionar: “¿ónde iamos fabricar 750 millóns de latas de tanta calidade?”. (www.lavozdegalicia.es).
- Políticos e sindicatos de Carballo temen polos postos de traballo. (www.elcorreogallego.es).
- Touriño recoñece que coñecía a operación hai meses. (www.elcorreogallego.es).