Bitácora de noticias e opinións sobre a actualidade de Carballo

viernes, noviembre 30, 2012

Preferentes en Carballo (o cómplice colabora coa policía)

Está a ser un asunto da máxima actualidade a nivel nacional, autonómico e agora tamén local. Porque se xa fai un mes recolliamos unha manifestación dos afectados polas preferentes nas rúas da capital de Bergantiños, agora ven de formase unha mobilización con sede en Carballo.

En efecto, a nosa comarca e a nosa cidade en particular non escaparon a esta “estafa” na que moitas familias investiron os seus aforros nuns productos que pensaban seguros e garantizados, pero que resultaron depender dun complicado criterio determinado pola marcha do banco ou da caixa. E cando, como contra todo prognóstico está a suceder, a banca perde, atópanse co risco ou coa certeza de quedar cando menos sin unha parte importante dos seus cartos. Familias de todo tipo pertencentes a todos os estratos e ámbitos están atrapados nun lío fenomenal, que no caso de Galicia ten como principal artífice, e como centro de todas as críticas, o traballo levado a cabo por Caixa Galicia durante a última década, na mans de José Luis Méndez. De feito, a sucursal do que agora é NCG en Carballo foi o lugar elexido polos afectados para manifestarse.

 Pola nosa parte un pequeno apunte a un detalle que nos chirría especialmente: lemos no sempre servil Catecismo de Carballo (outrora chamado Voz de Galicia) que o Concello de Carballo está a colaborar con estes damnificados polas preferentes. Curioso, maniobra hábil, como nel é habitual, de Evencio Ferrero. Sobre todo porque o noso alcalde sabe perfectamente que en calquera momento algún ou algúns, ou a maioría, dos (con razón) cabreados das preferentes, podería saber que o mesmo Ferrero que lles está a ofrecer colaboración é o mesmo Ferrero que, durante os últimos case dez anos, xustamente o periodo no que se perpetrou a estafa, era conselleiro xeral en Caixa Galicia (cuestión pola que, faltaría máis, cobraba á marxe do seu coñecido soldo de mestre no Concello). Coma nas novelas de misterio, o culpable (ou cando menos cómplice) préstase o primeiro a colaborar coa policía para evitar sospeitas.

Documentación:

 http://www.galegos.info/evencio-ferrero-rodriguez
 “Actualmente es miembro del Consejo Federal de la Federación Gallega de Municipios y Provincias, miembro del consejo de administración de ‘Xestur Coruña’ y consejero general de la entidad Caixa Galicia.”

Seguir lendo...

miércoles, noviembre 21, 2012

Independiente de Carballo

Presentámosvos a Dani do Rosalía, o capitán do Independiente de Carballo, que nesta entrevista para Quepasanacosta nos conta un pouco sobre este clube de fútbol, o máis novo do noso concello, que está a protagonizar una excepcional campaña dende a súa modesta posición na terceira rexional.

Etiquetas: ,


Seguir lendo...

lunes, noviembre 19, 2012

Scarecrowding

Por favor, no os perdáis el asombroso vídeo protagonizado por el skater carballés Carlos Villarín por las pistas de nuestra costa:
Scarecrowding from Tr3senlinea on Vimeo.

Etiquetas: , ,


Seguir lendo...

sábado, noviembre 10, 2012

Plan Xeral: un ano ¿perdido? despois

Botar a vista atrás e tirar de hemeroteca adoita ser un recurso interesante. Sobre todo cando se fala de asuntos que colean durante anos. Hoxe, cando o Catecismo da por inminente a aprobación inicial da revisión do PXOM, deunos por aí, e mira por onde, hai xusto un ano que estabamos a falar do asunto. E convén recordar o que daquela escribíamos, máis que nada porque o mesmo, punto por punto, podemos volver a dicilo hoxe, un ano despois. Un ano perdido, e van…

 “E así levamos sete anos redactando un documento que aínda non se ten sequera exposto ó público. O primeiro avance remitido á Xunta tivo como resultado no ano 2009 un demoledor informe contrario que poñía en dúbida moitas das liñas fundamentais do documento. E dende entón o goberno de Evencio leva xa dous anos adaptándoo ás novas condicións (ou eso di). Para iso precisamente ven de reunirse de novo a Comisión de Urbanismo, e así se recolle amplamente nos medios locais, que como ven sendo habitual neste asunto fan fincapé no consenso de todos os grupos políticos. Pero como é ben sabido que nós somos unha mosca molestadora de partes nobles, non podemos deixar de romper a tónica habitual para recordar o que moitos semellan esquecer. Primeiro, que por moito que o BOE se empeñe en colocar o punto de mira nos plazos e nos plans da Xunta e obvie por completo os plazos do goberno de Mr. Ferrero, o certo é que o 90% do retraso destes oito anos é exclusivamente atribuible ó equipo do nacionalista. Segundo, que o feito de que todos os grupos políticos fagan piña na revisión no PXOM, lonxe de ser un mérito, é unha mostra máis da incapacidade dun gobernó incapaz de sacar adiante un traballo que ninguén está a entorpecer. Terceiro, que a pesares dos titulares, aínda estamos moi lonxe de aprobar esta revisión, pois da longa serie de trámites que serán precisos estamos nos primeiros pasos e probablemente temos anos por diante. Cuarto, que temos perdido unha boa parte do tempo preparando un documento que pasaba polo arco do triunfo os cambios lexislativos e as recomendacións da administración autonómica. Quinto, que 6 meses despois das eleccións estamos exactamente no mesmo punto que 6 meses antes delas: malditos intereses partidistas. E sexto, que por incrible que poida parecer a estas alturas, os responsables do asunto explican que aínda quedan “muchos aspectos que concretar” ata simplemente remitirlle á Xunta o documento correxido, é dicir que non temos claro sequera o que queremos. Por iso decimos que a revisión do PXOM chegará (iso xa é seguro) moi, moi tarde, que as cousas se teñen feito rematadamente mal, e que resulta moi probable que rematemos arrastro, coa vergoña que significará que unha das vilas máis grandes de Galicia teña que retornar ás normas subsidiarias do planeamento.”

Actualizando o comentario, os anos xa non son sete, son oito, e a vergoña de retornar ás normas subsidiarias xa non é un futurible. Hai meses que é unha realidade.


Etiquetas:


Seguir lendo...

Natación na piscina da Bergantiños

A natación tamén protagoniza a actividade deportiva da capital de Bergantiños. Esta é unha proba de 4x50 estilos masculino, pertencente á Copa Galega Absoluta, e foi gravada o pasado día 20 de outubro.

Seguir lendo...

viernes, noviembre 02, 2012

Leroy y los Masoquistas

Recente concertó na sala A Reserva de Carballo:

Seguir lendo...

 
eXTReMe Tracker
Enlace ó noso arquivo RSS Feedburner