Bitácora de noticias e opinións sobre a actualidade de Carballo

jueves, junio 30, 2011

Acábaselle o osíxeno ó Bergan


No día de onte o presidente saínte, Javier Souto, facía un chamamento desesperado: 24 horas para que alguén se faga cargo do Bergantiños F.C., ou un dos clubes históricos do fútbol galego, que militou anos na 2ªB e acadou aquela famosa eliminatoria de Copa contra o Rayo Vallecano, desaparecerá.

Hoxe remata o prazo para a presentación de candidaturas, e cando menos nós non coñecemos a ningún valiente disposto a dar un paso á fronte. Se finalmente se consuma a traxedia, non só desaparecería o primeiro equipo que este ano acadou a permanencia na Terceira División, senón que tamén se irían con el outros 6 equipos de categorías inferiores, onde os nenos carballeses demostraron todos estes anos conformar unha canteira con moitisimo futuro.

Así as cousas, o propio Souto apuntaba á necesidade de última hora de que o Concello dea un paso adiante e se faga cargo da situación para salvar o que sería unha verdadeira traxedia deportiva.

Etiquetas: ,


Seguir lendo...

Unha de cal e outra de area


Dúas novas importantes nos chegan estes días dende Santiago. A primeira, a de area: Industria ven de aprobar o parque eólico de Pedrarrubia. Ben é certo que esta noticia era de agardar, porque despois de que o proxecto pasara o trámite ambiental hai xa máis de dous anos, xa sabiamos que a autorización viña obrigada e só era cuestión de tempo. Con todo, hai un ano mantiñamos a esperanza de que, a pesar de obter o permiso, finalmente as circunstancias económicas obrigasen á empresa a aplazar a obra. Mais semella que non vai ser así, porque onte o BOE afirmaba que nos vindeiros meses veremos comezar os traballos para levantar as torretas por parte da concesionaria, Galenova. Tamén descubrimos con sorpresa que a oposición á instalación deste parque eólico foi menguando, probablemente porque moitos propietarios chegaron a acordos coa empresa. Semella inevitable que nos teñamos que afacer a ver muiños de vento cando miremos terra adentro dende a costa do noso concello.

A de cal chega neste caso dende a Consellería de Infraestructuras, porque o conselleiro comparecía de novo onte para confirmar que as obras da autovía Carballo-Berdoias escomezarán na primeira semana de agosto. Seguiremos atentos.

Etiquetas: ,


Seguir lendo...

lunes, junio 27, 2011

Clubes deportivos e bandeiras de Carballo


As últimas datas veñen de deixarnos novas pouco positivas que veñen a abundar no noso post anterior. Se a semana pasada tiñamos que lamentar que o equipo de basket de Xiria víase na obriga de renunciar a ascender por motivos económicos, resulta que ó equipo de balonmán de Xiria ven de sucederlle o mesmo; e resulta tamén que no fútbol o Bergantiños retorna, case que coma en cada temporada, a habitual crise porque o actual presidente anuncia a súa intención de non continuar. Coma nos casos dos presidentes anteriores, a soidade e a falta de apoios para sacar adiante ó clube máis histórico de Carballo parecen ser os motivos.

É certo que moitas vilas e cidades teñen cando menos un clube que, nas distintas modalidades deportivas, constitúe a bandeira que leva o seu nome polo mundo adiante. No caso da Coruña primeiro foi o hockey co Liceo e logo o fútbol co Deportivo. Mentres en Lugo ou Ferrol o fútbol estaba baixo, os seus equipos de baloncesto competían na ACB. En Santiago pasouse dos anos de gloria do Compostela ó ascenso do Obradoiro ou os éxitos do fútbol-sala. A menor escala, Cerceda ten un equipo de fútbol de primera orde, Camariñas destaca no balonmán, ó igual que pasou no Morrazo. Mentres tanto en Carballo contamos con equipos que destacan tanto en fútbol, coma en baloncesto e balonmán, ademais de en volleyball, hockey ou mesmo en ciclismo e natación. Pero por H ou por B, ningún deles semella ter o apoio, nin económico nin social, para dar un salto máis aló.

Así que chegados a este punto, e tras moitos anos en situacións similares compre facerse varias pregunta. ¿Débese isto á falta de identificación ou de orgullo carballés que moita xente comenta? ¿Sería mellor a especialización no canto da diversificación? ¿Se é así, en qué sentido? ¿Falta mecenazgo ou implicación das empresas no deporte? ¿Merece Carballo ter un clube deportivo de maior orde, ou está onde lle corresponde? ¿Están os carballeses comprometidos cos seus deportistas? ¿Debemos pelexar por un equipo de bandeira, traballar a canteira, ou facer unha aposta intermedia? O debate está aberto.

Etiquetas:


Seguir lendo...

lunes, junio 20, 2011

Cando a economía non chega ó nivel do deporte


Unha mala noticia que nos deixaba o deporte nesta fin de semana. Ou non exactamente o deporte, porque o certo é que dentro da cancha os rapaces do Carballo Básket Xiria remataron a tempada co éxito histórico de acadar o ascenso á liga EBA, a pesar das dificultades. E dicimos dificultades porque moitas veces a súa directiva se ten queixado dos problemas económicos e de falta de apoios para emprender unha aventura que, quedou claro, si estaban capacitados para emprender.

O caso é que o clube carballés ven de facer público un comunicado no que expón os motivos polos que o vindeiro ano non vai competir na liga na que deportivamente debería facelo. É máis, o primeiro equipo pasará a ser B e competirá en liga FGB:

1-A crise económica e a reducción de investimento en patrocinios fixo que os dous últimos anos o volume de ingresos do Carballo Básket Xiria se reducira notablemente. A día de hoxe as previsións para a campaña 2011-12 están lonxe de cubrir o presuposto necesario para continuar coa estrutura de base e manter ao primeiro equipo competindo en EBA.

2-A decisión da directiva é clara. Nas categorías de base non se vai reducir nin un euro o investimento. Manterase todo igual que nestes últimos anos. Polo tanto o equipo de Liga EBA non sairá en competición na temporada 2011-12.

3-O primeiro equipo de Carballo Básket Xiria pasa a ser o ata agora sénior B, que tan brillante tempada fixo o ano pasado acadando o ascenso á Liga FGB.

4-Péchase así un gran ciclo de 5 anos que comezou no 2006 co ascenso deportivo á EBA, anos nos que se paseou o nome de Carballo e de Xiria por Euskadi, Cantabria, Castela e León ou Asturias. O club ven de lograr a súa mellor clasificación histórica co 3º posto conseguido a campaña anterior na que xogou a fase de ascenso a Leb2. Se a situación o permite nun futuro a idea do club será voltar á Liga EBA.

5-Durante estes cinco anos o equipo mantívose nesta categoría nacional grazas ao esforzo inxente de toda a directiva, á aposta dos patrocinadores e ao apoio dos afeccionados. Todos xuntos desfrutamos co mellor baloncesto que se puido ver en toda a historia en Carballo. A todos eles, MOITAS GRAZAS e invitámolos a seguir participando no proxecto de club.

6-O Carballo Básket Xiria seguirá apostando por unha ensinanza de máxima calidade nas categorías inferiores. A renovación de Arturo Ferraces e de todo o corpo técnico ao seu redor amosa o noso compromiso coa base.

7-O camiño trazado cos rapaces seguirá sendo o mesmo, sumando esforzos cos demais clubs da nos área de influencia para seguir sendo o segundo deporte en número de licencias de Carballo e da Comarca de Bergantiños.

De agora en adiante o Carballo Básket centrarase no traballo nos equipos de base. A mellor aposta posible para ter un bo futuro e quen sabe se, algún día e con máis apoios, xogar esta vez si no EBA. Noraboa e moito ánimo. (Por certo, ¿non botades algo de menos no punto 5?)


Etiquetas: ,


Seguir lendo...

sábado, junio 18, 2011

¿Carballo terá diputado en Madrid?


Onte coñecíamos a noticia de que a diputada nacional Belén Docampo sustituía a Diego Calvo (que pasará a ocupar a presidencia da Diputación) como superdelegada da Xunta na provincia. Resulta sorprendente que os medios locais de Carballo non foran conscientes da repercusión desta nova, xa que supón que a nova delegada abandona a Carrera de San Jerónimo, co que corre a lista do PP e tócalle entrar como diputado ó número 6 da candidatura, que é o ex alcalde de Carballo Manuel Varela Rey.

Así pois, Carballo pode ter diputado nacional. Decimos que “pode”, porque a Varela pode non interesarlle. Explicámonos: hai grandes posibilidades de que Zapatero adiante as eleccións xerais ó mes de novembro (posiblemente o día 27), co que as Cámaras se disolverían un par de meses antes (setembro). Así pois, Varela sería diputado durante un par de meses, coincidindo co verán, onde non hai sesións parlamentarias. É decir, sería diputado para nada. Pero a cambio debería deixar (supoñemos) o posto de xefe territorial da Consellería de Cultura na provincia. Dubidamos de que cambie un posto polo outro, salvo que se lle garantice que irá en posto de saída na próxima candidatura do PP ó Congreso.


Etiquetas:


Seguir lendo...

viernes, junio 17, 2011

Todos contra o PSOE


Ben sabedes que unha das nosas teimas sempre é a de tentar ler entre liñas. É dicir, buscar significados ás cousas que moitas veces non aparentan como tales na superficie, mirar un pouquiño máis aló do titular. E a este respecto está a chamarnos moito a atención o ensañamento que se está a producir co PSOE de Carballo a conta dos resultados electorais e especialmente o seu recurso presentado pola votación nunha das mesas, que tamén está a retrasar a constitución do pleno do Concello e mesmo da Deputación. En particular resulta significativa o ataque a degüello no BOE contra a actual dirección socialista dende unha sección de opinión habilitada ó efecto.

Porque non somos nós avogados defensores de ninguén, pero hai cousas que certamente chirrían. Certo que o PSOE de Carballo ven de acadar o peor resultado da súa historia (alomenos en número de representantes) e que está a recurrir ós despachos dunha forma un tanto desesperada para disimulalo. Certo é tamén que a política de colaboración-case-sumisión de José Antonio Viña para-con Evencio Ferrero non estaba a ser ben valorada polos cidadáns. Pero non é menos certo que os socialistas carballeses levan moitos anos nunha crise que os mantén atados a un fondo electoral de 2 concelleiros, con varios candidatos diferentes, e que só o efecto positivo ZP dos anos bos do PSOE lles permitiu unha lixeira subida ó terceiro, sempre lonxe do cuarto. E sen embargo, ata o de agora, nunca tales críticas se sentiran. E tamén é certo que nestas eleccións o efecto negativo ZP xogou en sentido contrario en todos os concellos de España. E aínda é maís certo que no entorno dos socialistas carballeses non asoma a cabeza, polo menos que nós saibamos, de ningún valiente disposto a tomar o relevo dun José Antonio Viña que, certamente, non semella ser o futuro do seu partido.

Así que se cadra temos que deducir que o resultado das eleccións deixou unha inquedanza no aire: que, se ben o BNG subiu un concelleiro, a suba en votos foi máis ben escasa e lonxe das expectativas da maioría absoluta máis “acadable” da súa historia; e que ben pola contra, o conxunto do bipartito perdeu concelleiros e votos por mor do descalabro do PSOE. Isto é, que o flanco débil da esquerda carballesa está nuns socialistas necesitados dunha inxección de adrenalina para espertar, porque do contrario un descenso nacionalista dentro de catro anos deixaría a alcaldía na outra balanza ideolóxica. E iso é o que algunha xente está tentando cambiar, aproveitando a situación.

Etiquetas: , ,


Seguir lendo...

martes, junio 14, 2011

Chenoa volve a Carballo

Semella que a comisión de festas do San Xoán decidiu variar este ano a filosofía de edicións anteriores. Logo de varios anos apostando por varios artistas aínda por explotar, esta edición 2011 contará cunha única actuación estelar, pero corresponderá a unha cantante sobradamente coñecida e consagrada entre o gran público. Chenoa xa visitara Carballo aló polo ano 2002, fora na compaña da súa parella por aquel entón, David Bisbal, e pouco despois de que ambos abandoasen a academia de Operación Triunfo. Moito cambiaron as cousas ata hoxe para os dous, e a mallorquina visita agora a capital de Bergantiños para presentar o seu último disco “Desafiando la gravedad”. Deixámosvos un pequeno aperitivo.



Etiquetas: , , ,


Seguir lendo...

domingo, junio 12, 2011

Á división de Honor

As categorías inferiores do Bergantiños celebran o seu ascenso na fonte do Haley.



Etiquetas: ,


Seguir lendo...

sábado, junio 11, 2011

Carreiras cun pouco de retraso

O grupo Correo Gallego organizou hai dous anos a III Carreira Pedestre Costa da Morte, que transcurriu polas rúas de Carballo e da que se veñen de subir un par de vídeos ao youtube.






Etiquetas: ,


Seguir lendo...

viernes, junio 10, 2011

Pactos encubertos e política ficción


Finalmente o pleno do Concello de Carballo non poderá constituirse esta semana e terá que agardar ó mes de xullo. A razón, xa adiantada nas últimas datas, é o recurso presentado polo PSOE contra a votación nunha das mesas. Semella que o resultado que deixou ós socialistas cun só concelleiro no salón de plenos, o peor resultado da súa historia, está a ter unha difícil dixestión. E logo de que a Xunta Electoral rexeitara as súas reclamacións, e mesmo lles anulara 3 votos que tiñan como válidos, o equipo de Viña vai recurrir ós tribunais porque di que nunha mesa electoral houbo tan só un vocal durante parte do día. A solicitude consiste en pedir a repetición das votacións nesa mesa en concreto, de tal maneira que os veciños censados nela terían que volver a votar de novo, pero coa novidade de que xa coñecerían o resultado de todas as outras mesas. Pensan no PP que isto sería un fraude, porque dese xeito votantes do BNG, sabedores da situación a posteriori, poderían votar ó PSOE para así darlle un concelleiro máis en detrimento dos populares. En todo caso a Xunta Electoral xa resolviu que non había xustificación para adoptar unha decisión de tal calibre. Veremos qué pasa.

Pero o noso post de hoxe vai noutra dirección. A verdade é que na mesma noite electoral todos dabamos por feito que a vindeira sería unha lexislatura cómoda, no aspecto da estabilidade, para un BNG en solitario pero a un só concelleiro da maioría, apoiado alternativamente nos distintos grupos e fundamentalmente no PSOE. Pero se algo caracteriza a Manuel Andrade está claro que é a insistencia. E por iso o líder de TEGA, lonxe de darse por vencido como moitos levan anos aventurando, segue na teima de tentar un pacto de tres que desbancaría a Evencio da alcaldía. Pacto que, por outra parte, xa se podería ter feito hai 4 anos, aínda que agora Viña introduza a variante de non entrar no goberno. Pero como Viña tampouco admite o pacto cos outros grupos, e Sueiro xa anunciara a intención de deixar gobernar ó máis votado, queda claro que, en palabras do socialista, estamos a falar de “política ficción”.

O que xa non nos parece tanta política ficción, e de feito cremos que entra dentro do probable, é que a situación de Viña fóra do goberno sexa máis unha cuestión estética de táctica electoral que efectiva. E así son moitos os que están a falar dun “pacto encuberto”, no cal, pese a estar formalmente na oposición, o voto de Viña serviría para sacar adiante as políticas do goberno formal do BNG. A sesión de investidura, na que cada concelleiro debe votar a un candidato a alcalde, hanos dar unha pista de ata que punto pode ser así.

Etiquetas: ,


Seguir lendo...

lunes, junio 06, 2011

Más fácil de lo que parecía


También podríamos haber titulado “Mucho ruído y pocas nueces”, como la famosa obra de Shakespeare llevada al cine con acierto por Kennet Brannagh, pero ese titular ya lo habíamos usado años ha (cosas de tanto tiempo en la red). Estamos hablando de la habitual polémica anual que ocurre en Carballo con motivo del reparto de niños entre los distintos centros de enseñanza.

Este año nos ha dejado la imagen de un grupo de padres protestando a las puertas del colegio Fogar por la negativa de Educación a habilitar una cuarta unidad de infantil. Concentraciones que ya habíamos vivido otros años tanto en el núcleo como parroquias tales como Berdillo. En el trasfondo de todo el asunto está el creciente traslado de la demanda desde las escuelas unitarias de las parroquias a las del núcleo, el rechazo que genera en muchos progenitores la situación del colegio San Luis Romero por atender a buena parte de la población marginal, y por supuesto la falta de previsión que ha reinado durante los años de bonanza, en que todos sabíamos que llegarían desajustes y nadie hizo o no supo hacer nada para remediarlo. En resumen, que a día de hoy hay plazas suficientes, pero no donde a todo el mundo le gustaría.

El caso es que sin embargo y hasta ahora, tras la tempestad siempre ha llegado la calma, y al final la habilitación de aulas adicionales, o, como este año, el reparto efectivo de los niños, ha satisfecho las expectativas de todos los padres, y aquí paz y después gloria, y magnolias para todos. De modo que nosotros concluímos que, o bien estamos ante un conflicto mayormente ficticio y mucho más fácil de resolver de lo que parece, o bien lo que estamos haciendo son parches año a año, de los que nadie está seguro de cómo van a ser hasta el último momento y por eso todo el mundo tiene la mosca detrás de la oreja. Más bien nos inclinamos por la segunda opción. Porque lo que está claro es que el mapa escolar carballés no está definido ni terminado, que en los próximos años la tendencia es a complicarse, y que a pesar de las apariencias seguimos teniendo un problema pendiente.

Etiquetas:


Seguir lendo...

domingo, junio 05, 2011

Ir por lana y volver trasquilado


Eso es lo que le pasó al PSOE de Carballo. Según publicaba días atrás La Voz de Galicia, los socialistas carballeses estaban a punto de obtener su segundo concejal, puesto que les faltaban 3 votos y la Junta Electoral ya les había dado por válidos dos. Sin embargo, tras las reclamaciones del PSOE y del PP las cosas empeoran para los socialistas, ya que la Junta Electoral Central no sólo no les da la razón en su impugnación de una mesa electoral, sino que les quita tres votos. Así pues, ni uno ni dos más: tres menos. En lugar de 1.526 votos, el PSOE se queda con 1.523. Por su parte, el BNG pierde una papeleta, también impugnada por el PP, y se queda con 7.880. En cualquier caso, no varía el reparto de concejales (BNG 10, PP 8, Terra Galega 2 y PSOE 1).

El PP hace una valoración positiva de los resultados definitivos, ya que es el que máis incrementa su apoyo en Carballo, “tanto en número de votos (6.114) como en concelleiros (de 6 a 8), ó subir 1.431 sufraxios, o que representa un incremento do 30,55% en termos relativos, ganando 9 puntos, pasando do 25 % ó 34 % do total dos votantes.” Según los populares carballeses, ese incremento es superior a la subida media del PP en España, en Galicia y en la provincia.

Por otra parte, el PP también alude al BNG, del que dice que, pese a su subida (335 votos) obtiene su décimo concejal por muy poco, “quedando moito máis cerca do 9º que do 11º.”

Los populares consideran que “estes bos resultados do PP supoñen un espaldarazo á política de oposición seria e firme demostrada ó longo destes catro últimos anos en Carballo, e colocan ó noso candidato Alberto Sueiro nunha posición de privilexio para poder contar do apoio maioritario dos cidadáns nas próximas eleccións municipais.”

Etiquetas: ,


Seguir lendo...

sábado, junio 04, 2011

Traballar na costa


Damos conta dunha iniciativa moi interesante e necesaria nos tempos que corren: o blog Traballar na costa (tamén con páxina en facebook), dedicado a informar das ofertas de emprego e cursos de formación da Costa da Morte, Bergantiños e arredores.

Segundo os responsables, trátase dunha iniciativa privada e sen ánimo de lucro, creada por persoas con formación en orientación laboral e novas tecnoloxías, que coñecen esta zona e desexan poñer o seu gran de area para a dinamización da Costa da Morte. Prentenden recoller as ofertas de traballo que van atopando en diferentes medios: internet, tablóns de anuncios, prensa escrita... O blog conta tamén con un espazo dende o que as empresas lles poden facer chegar as súas ofertas de emprego para ser publicadas no blog.

Desde CD felicitamos ós autores por esta boa idea. Todas as medidas que se poñan en marcha para loitar contra o paro son poucas. Pero esta iniciativa presenta unha particularidade que a fai especialmente valiosa, e é que nace da propia sociedade civil, á marxe das administracións. Esto ten un valor especial, xa que é importante que nos deamos conta de que non podemos pretender que papá Estado nos veña sempre a solucionar os problemas. Temos que concienciarnos de que a sociedade civil tamén pode facer algo, e este é un bo exemplo que merece o aplauso de todos.


Etiquetas: , , , , ,


Seguir lendo...

miércoles, junio 01, 2011

Malas noticias na costa


Dúas novas veñen de deixarnos un mal sabor de boca na costa carballesa. Vaiamos por partes. En primeiro lugar a semana pasada, e como cada ano por estas datas, saía á luz o listado de praias con bandeira azul. E facíao coa desagradable sorpresa de que a de Razo non estaba entre elas, coma viña sendo habitual. O certo é que non é a primeira vez que isto sucede, que noutros lugares de Galicia tamén se atoparon con negativas inesperadas, e que o organismo encargado de xestionar estes galardóns ten fama de ser moi esixente e caprichoso. Segundo o alcalde, Evencio Ferrero, foi algo tan menor coma un retraso nunha análise da calidade da auga a que lle custou este ano a Razo quedar sen o distintivo europeo. Para variar, o alcalde nacionalista bótalle a culpa á Xunta; pero o que está claro é que as nosas praias seguen a ter a mesma calidade da que sempre fixeron gala, máis alá de ter un bandeira azul ou non. ¿Ou acaso hai algunha outra cuestión que non coñezamos ?

Por iso a segunda noticia negativa que recibimos nos apena máis. Porque para nós trátase dalgo moito máis grave, aínda que a moita xente non llo pareza. Espertábamonos a semana pasada coa traxedia do barco malpicán “Nuevo Luz”, que naufragaba nas proximidades da Punta Langosteira deixando dous mariñeiros mortos. Pois ben, sucede que parte dos restos do barco viñeron a parar ás praias do noso concello, e unha serie de desaprensivos se adicou a recoller e levar para a casa canto puideron, coma se dun tesouro se tratase. Antecedentes deste comportamento temos dabondo na Costa da Morte, pero que suceda cando falamos dun desastre que se levou a vida de dous dos nosos veciños, ten difícil calificativo. Se os inspectores europeos que viñeron analizar as nosas praias tivesen visto isto, ben poderían quitarnos as bandeiras azuis por moitos anos, e neste caso con toda a razón.

Etiquetas: , , ,


Seguir lendo...

 
eXTReMe Tracker
Enlace ó noso arquivo RSS Feedburner