Traballar na costa

Damos conta dunha iniciativa moi interesante e necesaria nos tempos que corren: o blog Traballar na costa (tamén con páxina en facebook), dedicado a informar das ofertas de emprego e cursos de formación da Costa da Morte, Bergantiños e arredores.

Segundo os responsables, trátase dunha iniciativa privada e sen ánimo de lucro, creada por persoas con formación en orientación laboral e novas tecnoloxías, que coñecen esta zona e desexan poñer o seu gran de area para a dinamización da Costa da Morte. Prentenden recoller as ofertas de traballo que van atopando en diferentes medios: internet, tablóns de anuncios, prensa escrita... O blog conta tamén con un espazo dende o que as empresas lles poden facer chegar as súas ofertas de emprego para ser publicadas no blog.

Desde CD felicitamos ós autores por esta boa idea. Todas as medidas que se poñan en marcha para loitar contra o paro son poucas. Pero esta iniciativa presenta unha particularidade que a fai especialmente valiosa, e é que nace da propia sociedade civil, á marxe das administracións. Esto ten un valor especial, xa que é importante que nos deamos conta de que non podemos pretender que papá Estado nos veña sempre a solucionar os problemas. Temos que concienciarnos de que a sociedade civil tamén pode facer algo, e este é un bo exemplo que merece o aplauso de todos.

Seguir lendo...

Blogs escolares

O desastre da organización na educación é outro asunto que ten ocupados un bo número dos posts destes 3 anos de Carballo Dixital. Sen embargo hoxe voltamos ás aulas cun asunto diferente e máis gratificante.

Se cadra precisamente son as deficiencias as que levan a estimular a iniciativa das persoas vinculadas ó ensino, pero o caso é que nun espazo de tempo relativamente curto son dous os centros de primaria carballeses que veñen de poñer en marcha un blog.

En anpaacasilla.blogspot.com, é a asociación de pais e nais do colexio da Cristina, tamén coñecido por moitos como A Casilla, os que levan unha interesante bitácora na que informan das súas actividades e expoñen as súas propostas ou opinións sobre canto rodea á vida académica do centro (por certo: qué eso da "promoción do idioma entre escolares"? É que só hai un idioma entre nós?). E en colexiofogar.blogspot.com son os alumnos e profesores os que utilizan este sistema coma unha forma de achegar ós rapaces á internet e ás novas tecnoloxías.

Dende o decano dos blogs carballeses (modestia aparte, que saibamos non os hai máis antigos), damos a benvida e desexamos longa andaina ó novos bloggers. Oxalá pronto sexamos moitos máis.

Seguir lendo...