U-la participación cidadá?

Ao noso amigo Quen fixo... seica se lle sobe o mal sangue despois de cear. E o resultado é este post, enviado a CD ás 3:14 da mañá (Quen fixo: qué fas a esas horas escribindo?):

Quen fixo a Lei... fixo a trampa:

Aquí estou de novo, lonxe da miña terra pero sempre ó día da actualidade, así que, abundando na temática de CD (que foi de?), aí vai outra "hondonada" das de Manquiña:

U-los mecanismos de participación cidadá?

Hai cousa de 4 anos, bombardearon ós cidadáns deste concello cunha novidade marabillosa: por fin os carballeses poderían elixir, democraticamente, aos seus alcaldes de barrio, e poderían participar nos Plenos e presentar preguntas aos políticos, entre outras cousas (a hemeroteca de LVDG está a disposición para o efeto).

Entón, digo eu:

u-las elecións democráticas? O BNG afirmaba que co PP había alcaldes de barrio "dixitais" (elixidos a dedo), pero con eles, sinxelamente, non os hai, nin dixitais nin eletos.

u-las intervencións dos cidadáns nos Plenos? Non se volveu saber, nin parece que interese, non sexa que pregunten algunha inconvenienza.

u-los mecanismos de intervención da cidadanía nas decisións políticas? Os de sempre, cada 4 anos.

En resumo, que fácil é predicar, e que difícil parece ser dar trigo, Sr. Alcalde.

Ten vostede unha sorte inmensa, porque ten unha bula que non a dá nin o Papa de Roma: a D. Evencio perdóaselle todo, porque é tan boíño...

Eu perdoo tamén, pero non esquezo... E cada 4 anos non hai quen me quite a miña "participación cidadá".

Saúdos, e perdoade, pero logo de cear sóbeme o mal sangue...

Seguir lendo...

Estudos a medida

Quen fixo a lei... fixo a trampa, volve a deixarnos unha irónica reflexión, esta vez con motivo do estudo encargado polo goberno municipal sobre a situación do deporte en Carballo. Lede:

Logo de moito tempo de "vacacións", a actualidade da miña terriña volve a me traer curiosas novas.

Menuda novidade!!! Non podo crer que un goberno coma este de tódolos carballeses encargue un estudo á súa medida, que poida conter falsidades ou meias verdades. O nunca visto!!!

Que mala memoria temos, eh??

A ver, por partes (coma sempre):

1- ¿alguén lembra un proxecto faraónico que dicía que era viable un mega-centro comercial con parking soterrado na praza municipal?¿e non dicía que era, precisamente o parkin o que o facía viable, que sen el non se podía nin pensar facelo?

Cando o tema deixou de interesar a este governo, resultou que outro estudo dixo que era viable, pero sen parkin. Casualidades da vida, en ambolosdous casos, os proxectos eran feitos ou encargados polo governo...

2- ¿alguén recorda que era viable unha circunvalación de Carballo, e que había compromisos políticos cos governos "amigos" para levala a cabo? o proxecto era "viable", pero non se soubo máis.

3- ¿alguén recorda a presentación dunha urbanización na Lagoa, unha fantástica obra faraónica, encargada polo governo? Non, non creo que ninguén a lembre xa...
Casualmente, esta obra ía nos solares que agora a Xunta quere para o novo Plano estrela de Mr. Quin.

4- ¿alguén recorda un proxecto faraónico sobre unha gardería mega-futurista, pagado cos cartos de todos, que ía ser o non vai máis das garderías en Galiza e en España? Sí, aquela onda o colexio Bergantiños, que logo non se podía facer porque era "super-fashion de la muerte" pero non cumplía a lei para meter neniños dentro...

5- ¿alguén recorda....? Coño!, ata eu mesmo xa me olvidei de todo o demáis, porque van unha tras doutra.

E agora o deporte. O gran faraón Evencio-Amenophis IV, que todo o quería facer e incluso algunha cousa empezaba, pero casi nada empezou e nunca nada rematou, precisa unha excusa para privatizar un servizo público.

Nunca entenderei os complexos da esquerda nacionalista (porque o PSOE non desimula dende hai anos) co tema da privatizazón dos servizos públicos.

D. Evencio, se non sabe cómo dirixir o deporte en Carballo, porque outra explicación non acae, dígao, e se elixe a privatización porque é a mellor fórmula, diga os motivos, fágao, e punto. Pero deixen de marear a perdiz, coma en case todo, e tiren adiante dunha vez, que non entraron onte no governo, e amose resultados. Xa é tempo, e a confianza esgótase.

E, por último, antes da derradeira, unha recomendación: xa que o Concello ten unha web, sería moi recomendable, e unha mostra de auténtico ánimo da transparencia propria do seu discurso, Sr. Alcalde, publique cantos proxectos e estudos se encarguen cos cartos de tódolos carballeses.

Grazas e desculpen as molestias, pero un está para esto. As críticas deben ser sempre ben recibidas, porque axudan a mellorar, fomentan a análise e permiten descobrir os posibles erros que se cometen...

Ata outra...

Quen fixo a lei... fixo a trampa

Seguir lendo...