Gatos pardos en Carballo

Reflexionamos cuns días de retraso sobre a exclusiva que a semana pasada ofrecía A Nosa Costa. Ó parecer o ex-alcalde de Narón e ex-líder de Terra Galega, Xoán Gato, anda maquinando nun novo proxecto político para as vindeiras eleccións locais baixo o nome de Converxencia Galega.

Lembremos que Gato saiu de Terra Galega logo dun agrio enfrontamento co sector liderado con Pablo Padín, recursos xudiciais de por medio incluídos. E lembremos tamén que dentro daquela disputa, os “centristas” carballeses de Manuel Andrade parecían estar máis próximos a Gato que ó vencedor da pelexa. O caso é que agora Gato pretende preparar candidaturas en media ducia de concellos das nosas comarcas, incluíndo por suposto a Carballo. Para engadir máis ingredientes ó guiso, disque tamén hai un partido chamado Centro Democrático Liberal, dun tal José Palacín, que anda na mesma leria. No medio de toda esta festa só falta que volte asomar a cabeza Esquera Unida e que outra volta máis poidamos desfrutar da sempre refrescante presenza de Acacio Rodríguez.

Pola nosa parte sacamos coma conclusión que Carballo é un concello certamente apetitoso para moitos pequenos partidos e aspirantes a políticos, e que o apretado do equilibrio electoral favorece a aparición de espontáneos coa esperanza de obter un concelleiro “bisagra” para a formación de maioría na compaña de socialistas e nacionalistas, tal e como conseguira a propia Tega no 2003. Sen embargo, os numerosos antecedentes deste estilo (AIC, Democracia Galega, PDV, etc) e os moitos faroles que se adoitan lanzar en ano electoral fainos dubidar seriamente da maioría destas iniciativas, e sobre toda das súas posibilidades de acadar representación. Iso si, vistos os resultados do conflicto de Terra Galega, non sería de extrañar que Andrade concorrese ós comicios de maio baixo unhas novas siglas, as do novo partido de Gato. Pregunta de trivial: ¿qué número de partido faría no currículum do famoso cazador carballés?

Seguir lendo...

… y un puerto deportivo

No vamos repetir una vez más el papel que Manuel Andrade juega en nuestro blog y lo mucho que le debemos. Simplemente sentimos la obligación de tocar el palo que el líder de Terra Galega ha tocado este fin de semana. Porque en esta situación del año 2010, donde todas las administraciones están obsesionadas con la necesidad de recortar gastos superfluos y temerosas ante la dificultad de hacer frente a las deudas y hasta a las nóminas de sus funcionarios, resulta que Andrade he encontrado oportuno retomar una vieja demanda: el puerto deportivo de Razo.

Argumenta el veterano político carballés que el proyecto ya fue aprobado en su día por el pleno del gobierno del que formaba parte, y que hoy la inversión sería gratis porque se financiaría con los amarres de las embarcaciones. Se conoce que don Manuel considera que la crisis no afecta a los aficionados a la náutica, y piensa que en estos tiempos de estrechez habrá usuarios más que suficientes para pagar los costosos amarres de un puerto deportivo al punto de cubrir completamente el coste de una obra de gran envergadura.

Como nosotros no tenemos ninguna duda de la inteligencia del señor Andrade, y por tanto sabemos perfectamente que él mismo no se cree una palabra de lo que dice, deducimos que el líder centrista ha entrado en campaña y se va a jugar buena parte de sus bazas y su credibilidad en su plaza más fuerte: Razo. Veremos si sus vecinos le siguen comprando su idea.

Seguir lendo...

Novo partido para Andrade?

Outra nova sorprendente e non menos surrealista cás anteriores asoma hoxe ás páxinas da actualidade galega. Resulta que no seno de Terra Galega existía dende hai meses un pleito interno polo liderazgo entre o que foi candidato nestas pasadas eleccións, Xoán Gato, e outro sector comandado por Pablo Padín e Roberto González. Resulta tamén que o alcalde de Narón puido presentarse porque no medio do conflicto a Xunta Electoral lle deu temporalmente a razón. Pero agora resulta que o Xulgado de Primeira Instancia nº 3 de Santiago ven de desestimar o recurso de Gato contra a nova directiva, e que isto supón a súa expulsión e tamén a de "outros" integrantes do seu grupo. Circunstancias estas que se coñecen coincidindo coa comparecencia ante os tribunais do propio Gato coma imputado por un delito urbanístico relacionado co centro comercial Odeón de Narón.

Xustamente hoxe nun restaurante de Arteixo o xa ex-líder de Tega reúnese cos seus colaboradores para decidir o seu futuro, aínda que xa adiantou a súa intención de crear un novo partido que "non teña detrás esa lastra de ataques internos". Descoñecemos a postura que adoptarán os "centristas" carballes de Manuel Andrade, pero a súa intensa implicación nesta campaña electoral fai pensar que moi posiblemente seguirán os camiños de Gato, ou en todo caso trazarán un propio, pero en ningún caso parece probable que continúen a formar parte dunha Terra Galega dividida, derrotada, e que veu truncado o seu moi ambicioso proxecto en Galicia.

Polo tanto todo apunta a que pronto habemos ver a Andrade tras un novas siglas políticas, e xa van unha cuantas. Así que polo simple interese de pasar o rato, dígannos vostedes, por favor, partidos políticos nos que teña estado (ou pactado) Manuel Andrade Cristóbal, coma por exemplo, Terra Galega. Un, dous, tres, responda outra vez...

Seguir lendo...

Fin de vacacións

A fin de semana informativa tennos deixado ós carballeses a confirmación do fin do verán e o comezo do novo curso. E por qué? Pola liga de fútbol? Non. ¿Polo comezo das clases dos rapaces? Non. Porque arranca Gran Hermano 10? Tampouco. Este domingo liamos na prensa local a incorporación de Manuel Andrade ó debate político despois dunhas longuísimas vacacións que superaron amplamente ó letargo estival do PP.

O asunto que deu pé ó portavoz do TEGA para saír á palestra neste mes de setembro foi o do proxecto do saneamento que debería chegar a Entrecruces e que finalmente semella que será desviado en dirección a Coristanco. E como non podía ser doutro xeito, o máis veterano e singular dos políticos da Costa da Morte deixou algunha desas marabillosas perlas que tanto desfrutamos en CD: recolleron 60 firmas para apoiar a súa inicitiva, "que puideron ser máis, pero paramos aí". Olé.

Mais o asunto en cuestión case que queda en segundo plano. A noticia en sí (boa para o noso blog, quén sabe se boa para Carballo) é o enésimo retorno dun político ó que tantas veces deron (e demos) por morto. Un político que, despois de ser o xubilado mellor pagado da historia de Carballo, pasou agora a ser (como logramos saber logo dunha longuísima polémica) o concelleiro opositor mellor pagado da historia de Carballo, superando mesmo a concelleiros con adicación exclusiva do goberno. Por iso nos alegra tanto a nós, porque ademais de garantirnos sabrosos contidos nos nosos posts, cando menos xustifica parte dos igualmente sabrosos honorarios que, pese a non formar parte do goberno e apenas execer de oposición, todos os carballeses lle pagamos. A ver se cunde.

Seguir lendo...

Crise en TEGA

A noticia abordábaa hai uns días A Nosa Costa. A formación Terra Galega, un partido político nacido por agregación de persoeiros de moi distinta orixe e condición co nexo común de atoparse fóra dos 3 grandes partidos galegos, está a atravesar por momentos de conflicto interno. Ó parecer existen dúas personas que destacan polo seu peso específico, Pablo Padín e mailo alcalde de Narón Xoán Gato, que manteñen claras diferenzas en canto ó fondo e a forma de conducir a nave "centro-galeguista" de cara ás próximas eleccións autonómicas.

¿En qué nos atañe esto a nós? Pois na influencia que este debate pode ter no futuro do político máis veterano e singular da nosa cidade, Manuel Andrade. Polo pronto infórmanos a web que dirixe Xosé Manuel Lema, que tanto o carballés coma o fisterrán Xan García Pouso veñen de apoiar cun manifesto público a Gato como o mellor líder para a formación.

Agora ben, tamén nos chegan rumores confidenciais de que Andrade ten sondeado a posibilidade da súa proxección autonómica. Non en van, Carballo pasaba por ser unha praza forte de TEGA e moitos dos seus actos principais se teñen desenvolvido na capital de Bergantiños. Sen embargo, a perda de poder das últimas eleccións semella que teñen diminuido notablemente a influencia de Andrade, que hoxe non aparece en ningunha das quinielas nin entre os moitos nomes que, coma o líder do PG Carlos Marcos ou o ex-PP Rodríguez Corcoba, alimentan o ruxe-ruxe de Terra Galega. Contrariamente ó que algúns podesen pensar, a saída do goberno local de Andrade non só non o acerca a saír da política carballesa, senón que o condena a continuar nela. Temos Andrade para longo.

Seguir lendo...